________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmand
तहारुवे साहू साहुरुवे मासखमणपारणगंसि सालतिएणं जाव ववरोविते, उच्चावएहिं अक्कोसणाहिं अक्कोसंति उच्चावयाहिं उद्धंसणाहि||| उद्धंसेंति उच्चावयाहिं णिब्भत्थणाहिं णिब्भत्थंति उच्चावयाहि णिच्छोडणाहिं निच्छोडेंति तज्जेति तालेति तासयातो गिहातो निच्छुभंति, तते णं सा नागसिरी सयातो गिहातो निच्छूढा समाणी चंपाए नगरीए सिंघाडगतियचउक्कचच्चरचउम्मुह० बहुजणेणं हीलिजमाणी खिंसिजमाणी निदिजमाणी गरहिजमाणी तजिजमाणी पव्वहिज्जमाणी धिक्कारिजमाणी थुक्कारिज्जमाणी कत्थई ठाणं वा निलयं वा अलभमाणी २ दंडीखंडनिवसा खंडमल्लयखंडघडगहत्थगया फुट्टहडाहडसीसा मच्छियाचडगरेणं अन्निजमाणमग्गा गेहंगेहेणं देहंबलियाए वित्ति कप्पेमाणी विहरति, तते णं तीसे नागसिरीए माहणीए तब्भवंसि चेव सोलस रोयायंका पाउब्भूया, तं०-सासे कासे जोणिसूले जाव कोढे, तए णं सा नागसिरी माहणी सोलसहिं रोयायंकेहिं अभिभूता समाणी अदुहट्टवसट्टा कालमासे कालं किच्चा छट्ठीए पुढवीए उकोसेणं बावीससागरोवमहितीएसु नरएसु नेरइयत्ताते उववन्ना, साण तओऽणंतरंसि उव्वट्टिता मच्छेसु उववन्ना, तत्थ/ णं सत्थवज्झा दाहवईतिए कालमासे कालं किच्चा अहेसत्तमीए पुढवीए उक्कोसाए तित्तीसंसागरोवमहितीएसु नेरइएसु उववन्ना, सा णं ततोऽणंतरं उव्वट्टिता दोच्चपि मच्छेसु उववज्जति, तत्थविय णं सत्यवझा दाहवतीए दोच्चंपि अहेसत्तमीए पुढवीए उक्कोसं तेत्तीससागरोवमहितीएसु नेरइएसु उववजति, साणं तओहिंतो जाव उव्वट्टित्ता तच्चपि मच्छेसु उववन्ना, तत्थविय णं सत्थवज्झा जाव कालं किच्चा दोच्चंपिछट्ठीए पुढवीए उच्छोसेप्य० तओऽणंतरं उव्वट्टिता नरएसएवं जहा गोसाले तहा नेयव्वं जावरयणप्पभाए,सत्तसु ॥ श्रीज्ञाताधर्मथाङ्गम् ॥
| पू. सागरजी म. संशोधित
For Private And Personal
