________________
Shri Mahavir Jain Arachana Kendra
www.kobatirth.org
Acharya Shri Kailashsagarsun Gyanmandir
|अंतेवासी धम्माची नाम अणगारे पगइभद्दए जाव विणीए मासंमासेणं अणिक्खित्तेणं तवोकम्मेणं जाव नागसिरीए माहणीए गिहे || अणुपविटे, तए णं सा नागसिरी माहणी जाव निसिरइ, तए णं से धम्मरुई अणगारे अहापज्जत्तमितिकटु जाव कालं अणवकंखभाणे विहरति, सेणं धम्मरुई अणगारे बहूणि वासाणि सामन्नपरियागं पाउणिता आलोइयपडिरते समाहिपत्ते कालमासे कालं किच्चा उड्ढे सोहम्मजाव सव्वसिद्ध महाविमाणे देवत्ताए उववाने, तत्थ्णं अजहण्णमणुकोसेणं तेत्तीसंसागरोवमाई ठिती पन्नत्ता, तत्थ धम्मरुइस्सवि देवस्स तेत्तीसं सागरोवमाई ठिती पण्णत्ता, से णं धम्मरुई देवे ताओ देवलोगाओ जाव महाविदेहे वासे सिन्झिहिति ११३। तं धिरत्यु णंअज्जो! णागसिरीए माहणीए अधन्नाए अपुन्नाए जावणिंबोलियाए जाए णंतहारुवेसाहू० धम्मरुई अणगारे मासखभणपारणगंसि सालइएणं जाव गाढेणं अकाले चेव जीवितातो ववरोविए, तते णं ते समणा निगंथा धम्मघोसाणं थेराणं अंतिए एतमढे सोच्चा णिसम्म चंपाए सिंघाडगतिगजाव बहुजणस्स एवमातिक्खंति धिरत्थु णं देवा०! नागसिरीए माहणीए जाव णिंबोलियाए जाए णं तहारुवे साहू साहुरुवे सालतिएणं जीवियाओ ववरोविए, तए णं तेसिं समणाणं अंतिए एयमढे सोच्चा णिसम्म बहुजणो अन्नमन्नस्स एवमातिक्खति एवं भासति धिरत्थु णं नागसिरीए माहणीए जाव जीवियाओ ववरोविते, तते णं ते माहणा चंपाए नयरीए बहुजणस्स अंतिए एतमटुं सोच्चा निसम्म आसुरुत्ता जाव मिसिमिसेमाणा जेणेव नागसिरी माहणी तेणेव उवागच्छंति त्ता णागसिरी माहणी एवं वदासी हंभो! नागसिरी! अपस्थ्यिपस्थिए दुरंतपंतलक्खणे हीणपुण्णचाउद्दसे धिरत्थु णं तव अधन्नाए जावणिंबोलियाते जाए णं तुवे| ॥ श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
