________________
Shri Mahavir Jain Arachana Kendra
www.kobatirth.org
Acharya Shri Kailashsagarsun Gyanmandir
चंपाए नयरीए उत्तरपुरच्छिमे दिसिभाए अहिच्छत्ता नाम नयरी होत्या, रिद्धस्थिमियसमिद्धा वन्नओ, तत्थ णं व अहिच्छत्ताए नयरीए कणगकेऊ नाभं राया होत्था, महया वन्नओ, तस्स घण्णस्स सत्थवाहस्स अन्नदा कदाई पुबत्तावरत्तकालसमयंसि इमेयारूवे अब्भत्थिते चिंतिए पतिथए मणोगए संकप्पे समुप्पजित्था सेयं खलु मम विपुलं पणियभंडमायाए अहिच्छत्तं नगरं वाणिज्जाए गमित्तए, एवं संपेहेति त्ता गणिमं च० चव्विहं भंडं गेण्हइ त्ता सगडीसागडं भरेति त्ता कोडुंबियपुरिसे सहावेति त्ता एवं व०-गच्छह णं तुब्भे देवा०! चंपाए नगरीए सिंघाडगजावपहेसु० एवं खलु देवाणु०! धण्णे सत्थवाहे विपुलं पणिय० इच्छति अहिच्छत्तं नगरं वाणिज्जाए गमित्तते, तं जो णं देवाणु०! चरए वा चीरिए वा चम्मखंडिए वा भिच्छंडे वा पंडरगे वा गोतमे वा गिहिधम्मचिंतए वा अविरूद्ध विरूद्धवुड्डसावगरतपडनिग्गंथप्पभिति पासंडत्थे वा गिहत्थे वा तस्स णं धण्णेणं सद्धिं अहिच्छत्तं नगरि गच्छइ तस्स गंधण्णे अच्छत्तगस्स छत्तगं दलाइ अणुवाहणस्स उवाहणाउदलयइ अकुंडियस्स कुंडियंदलयइ अपत्थयणस्स पत्थयणं| दलयइ अपक्खेवास्स पक्खेवं दलयइ अंतराऽविय से पडियस्स वा भग० लुग्ग० साहेजं दलयति सुहंसुहेण य अहिच्छत् संपावेति तिकट्ठ दोच्चपि तच्चपि धोसेह त्ता मम एयमाणत्तियं पच्चप्पिणह, तते णं ते कोडुबियपुरिसा जाव एवं ३०- हंदि सुणंतु भगवंतो चंपानगरीवत्थव्वा बहवे चरगा य जाव पच्चप्पिणति, तते णं से कोडुंबियधोषणं सुच्चा चंपाए णयरीए बहवे चरगा य जाव निहत्था य जेणेव धणे सत्थवाहे तेणेव उवागच्छन्ति तते गंधण्णे तेसिंचगाण य जाव गिहत्थाण य अच्छत्तगस्स छत्तं दलयइ जाव पत्थयणं ॥ श्रीज्ञाताधर्मकथाङ्गम् ॥
१८४
| पू. सागरजी म. संशोधित
For Private And Personal
