________________
Shri Mahavir Jain Arachana Kendra
www.kobatiran.org
Acharya Shn Kailashsagarsur Gyanmandir
||एवामेव समाउसो ! जाव माणुस्सए कामभोए णो पुणरवि आसायति से गंजाव वीतिवतिस्सति जहा वा से जिणपालिए एवं खलु जंबू ! समणेणं भगवया० नवमस्स नायझयणस्स अयमढे पण्णते तिबेमि १९५॥ इति माकन्दीअज्झयणं ९॥ ___ जतिणं भंते ! समणेणं० णवमस्सणायझयणस्स अयमढे पण्णत्ते दसमस्स के अ१०?, एवं खलु जंबू ! तेणं कालेणं० रायगिहे नगरे सामी समोसढे गोयमसामी एवं वदासी कहण्णं भंते! जीवा वडंति वा हायन्ति वा ?, गो०! से जहानामए बहुलपक्खस्स पाडिव्याचंदे पुण्णिमाचंदं पणिहाय हीणे वण्णेणं हीणे सोम्भयाए हीणे निद्धयाए हीणे कंतीए एवं दित्तीए जुत्तीए छायाए पभाए ओयाए लेस्साए मंडलेणं तयाणंतरं च णं बीयाचंदे पाडिवयं चंदं पणिहाय हीणतराए वष्णेणं जाव मंडलेणं तयाणंतरं च णं ततिआचंदे बितियाचंदं पणिहाय हीणतराए वण्णेणं जाव मंडलेणं, एवं खलु एएणं कमेणं परिहायमाणे २ जाव अमावस्साचंदे चाउद्दसिचंदं पणिहाय नट्टे वण्णेणं जाव नटे मंडलेणं, एवामेव समणाउसो! जो अम्मं निग्गंथो वा निगंथी वा जाव पव्वइए समाणे हीणे खंतीए एवं मुत्तीए गुत्तीए अजवेणं महवेणं लाघवेणं सच्चेणं तवेणं चियाए अकिंचणयाए बंभचेवासेणं, तयाणंतरं चणं हीणे हीणतराए खंतीए जाव हीणतराए बंभचेरवासेणं, एवं खलु एएणं कमेणं परिहायमाणे २ णडे खंतीए जाव णटे बंभचेरवासेणं, से जहा वा सुक्लपक्खस्स पाडिव्याचंदे अमावासं चंदं पणिहाय अहिए वण्णेणं जाव अहिए मंडलेणं तयाणंतरं च णं बिझ्याचंदे पाडिवयाचंदं पणिहाय अहिययराए वण्णेणं जाव अहियतराए मंडलेणं एवं खलु एएणं कमेणं परिवुड्डेमाणे २ जाव पुण्णिमाचंदे ॥ श्रीज्ञाताधर्मकथाङ्गम् ॥
१५५
पू. सागरजी म. संशोधित
For Private And Personal
