________________
Shri Mahavir Jain Aradhana Kendra
www.kobatirth.org
Acharya Shn Kailashsagarsun Gyanmandir
गच्छह णं देवाणुप्पिया! जंबु० भारहे० कुंभगस्स रत्रो भवणंसि इभेयारुवं अत्थसंपदाणं साहराहि खियामेव मम एयमाणत्तियं पच्चप्पिणाहि, तते णं से वेसमणे देवेसक्केणं देविंदेणं एवं वुत्ते हटे करयल जाव पडिसुणेइ त्ता भए देवेसहावेइ त्ता एवं क्यासी गच्छह णं तुब्भे देवाणु०! जंबुद्दीवं दीवं भारहं वासं मिहिलं रायहाणिं कुंभगस्स रनो भवणंसि तिनेव य कोडिस्या अट्ठासीयं च कोडीओ असियं च सयसहस्साई अयमेयारुवं अत्थसंपयाणं साहरह त्ता मम एयमाणत्तियं पच्चप्पिणह. तते ण ते जंभगा देवा वेसमणेणं जाव सुणेत्ता उत्तरपुरच्छिम दिसीभागं अवकमंति त्ता जाव उत्तरवेउवियाई रूवाई विउव्वंति त्ता ताए उक्किट्ठाए जाव वीइवयमाणा जेणेव जंबुद्दीवे दीवे भारहे वासे जेणेव भिहिला रायहाणी जेणेव कुंभगस्स रण्णो भवणे तेणेव उवागच्छंति त्ता कुंभगस्स रन्नो भवर्णसि तिन्नि कोडिसया जाव साहति त्ता जेणेव वेसमणे देवे तेणेव उवा० ता करयल जाव पच्चप्पिणति, तते णं से वेसमणे देवे जेणेव सके देविंदे देवराया तेणेव उवागच्छइ त्ता करयल जाव पच्चप्पिणंति, तते णं मल्ली अरहा कल्लाकल्लिं जाव मागहओपायरासोत्ति बहूणं सणाहाण य अणाहाणयपंथियाणयपहियाणयको(कायको पा० )डियाण य उप्पडियाणयएगमेगं हिरण्णकोडिं ( हत्थमासं पा०) अg य अणूणातिं सयसहस्सातिं इमेयारूवं अत्थसंपदाणं दलयंति, तए णं से कुंभए मिहिलाए राय० तत्थ २ तहिं २ देसे २ बहूओमहाणससालाओ रेति, तत्थ्णं बहवेमणुया दिण्णभइभत्तवेयणा विपुलं असण ४ उवक्खडेंति त्ताजे जहा आगच्छंति तं०-पंथिया वा पहिया वा करोडिया वा कप्पडिया वा पासंडत्था वा गिहत्था वा तस्सयतहा आसत्थस्स वीसत्थस्स ॥ श्रीज्ञाताधर्मकथाङ्गम् ॥
पू. सागरजी म. संशोधित
१३६
For Private And Personal
