________________
www.kobatirth.org
Acharya Shri Kailashsagarsuri Gyanmandir
| बहुसु कज्जेसु य मेढी पमाणं जाव धम्मधुरा होत्था तहा चेव णं देवा० ! इण्हिंपि जाव भविस्सह. अम्हेविय णं देवाणु ०! संसार भउव्विग्गा | जाव भीया जम्मणमरणाणं देवाणुप्पियाणं सद्धिं मुंडा भवित्ता जाव पव्वयामो, तते णं मल्ली अरहा ते जितसत्तुपामोक्खे एवं वयासी जण्णं तुब्भे संसार जाव भए सद्धिं पव्वयह तं गच्छह तं तुम्भे देवा० ! सएहिं २ रज्जेहिं २ जेट्ठे पुत्ते रज्जे ठावेह त्ता पुरिससहस्सवाहिणीओ सीयाओ दुरुहह दुरुढा समाणा मम अंतियं पाउब्भवह, तते णं ते जितसत्तुपामुक्खा मल्लिस्स अरहतो एतमहं पडिसुर्णेति, तते णं मल्ली अरहा ते जितसत्तु० गहाय जेणेव कुंभए तेणेव उवागच्छइ त्ता कुंभगस्स पाएस पाडेति, तते णं कुंभए जितसत्तु० विपुलेणं असण ४ पुप्फवत्थगंधमल्लालंकारेणं सक्कारेति जाव पडिविसज्जेति, तते णं ते जियसत्तुपामोक्खा कुंभएणं रण्णा विसज्जिया समाणा जेणेव साइं २ रज्जातिं जेणेव नगरातिं तेणेव उवा० ता सगाई रज्जातिं उवसंपज्जित्ता विहरति, तते णं मल्ली अरहा संवच्छरावसाणे निक्खमिस्सामिति मणं पहारेति ।८१। तेणं कालेणं० सकस्सासणं चलति, तते णं सक्के देविंदे० आसेणं चलियं पासति ता ओहिं पउंजति मल्लिं आसणं अरहं ओहिणा आभोएत्ति त्ता इमेयारुवे अम्मत्थिए जाव समुप्पज्जित्था एवं खलु जंबुद्दीवे दीवे भारहे वासे मिहिलाए कुंभगस्स० मल्ली | अरहा निक्खमिसामित्ति मणं पहारेति, तं जीयमेयं तीयपच्चुप्पन्नमणागयाणं सक्काणं• अरहंताणं भगवंताणं निक्खममाणाणं इमेयारुवं अत्यसंपयाणं दलित्तए, तं०-तिण्णेव य कोडिसया अट्टासीतिं च होंति कोडीओ ! असितिं च सयसहस्सा इंदा दलयंति अरहाणं ॥१०॥ एवं संपेहेति त्ता वेसमणं देवं सद्दावेति ता० एवं खलु देवाणु० ! जंबुद्दीवे दीवे भारहे वासे जाव असीतिं च सयसहस्साइं दलइत्तए, तं पू. सागरजी म. संशोधित
॥ श्रीज्ञाताधर्मकथाङ्गम् ॥
१३५
Shri Mahavir Jain Aradhana Kendra
For Private And Personal
