________________
Shri Mahave Jain Aradhana Kendra
www.totaim.org
Acharya Shri Kailashsagarsen Gyanmandir
सुहासणवरगत तं विपुलं असणं ४ परिभाएमाणा परिवेसेमाणा विहरंति, तते णं मिहिलाए सिंघाडग जाव बहुजणो अण्णमण्णस्स|| एवमातिक्खति०-एवं खलु देवाणु० ! कुंभगस्स रण्णो भवणंसि सव्वकामगुणियं किमिच्छियं विपुलं असणं ४ बहूणं सभणाण य जाव (सुरासुरियंपा०) परिवेसिज्जति, वरवरिया घोसिजति किमिच्छियं दिज्जए बहुविहीयं ! सुरअसुरदेवदाणवनरिदमहियाण निक्खमणे ॥११॥ तते णं मल्ली अहा संवच्छरेणं तिन्नि कोडिसया अट्ठासीतिं च होंति कोडीओ असितिं च सयसहस्साई इमेयारुवं अत्थसंपदाणं दलइत्ता निक्खमामित्ति मणं पहारेति ८२॥ तेणं कालेणं० लोगंतिया देवा बंभलोए कथ्य रितु विमाणपत्थडे सएहिं २ विमाणेहिं सएहिं २ पासायवडिंसएहिं पत्तेयं २ चउहिं सामाणियासाहस्सीहिं तीहिं परिसाहिं सत्तहिं अणिएहिं सत्तहिं अणियाहिवईहिं सोलसहिं आयरक्खदेवसाहस्सीहिं अनेहि य बहूहिं लोगतिएहिं देवेहिं सद्धिं संपरिवुडा महयाहयनगीयवाइयजावरवेणं भुंजभाणा विहरंति, तं० सारस्सयमाइच्चा वण्ही वरुणाय गहतोया य । तुसिया अव्वाबाहा अग्गिच्चा चेव रिहाय ॥१२॥ तते णं तेसिं लोयंतियाणं देवाणं पत्तेयं २ आसणातिंचलंति तहेव जाव अरहताणं निक्खमाणाणं संबोहणं करेत्तएत्ति तं गच्छामो णं अम्हेवि मल्लिस्स अरहतो संबोहणं करेमित्तिकटु एवं संपेहेति त्ता उत्तरपुरच्छिमं दिसीभायं० देउव्वियसमुग्धाएणं समोहणंति त्ता संखिजाई जोयणाई एवं जहा जंभगा जावजेणेव मिहिला रायहाणी जेणेव कुंभगस्सरनो भवणे जेणेव मल्ली अहा तेणेव उवागच्छंति त्ता अंतलिक्खपडिवत्रा सखिंखिणियाई जाववत्थातिं पवरपरिहिया करयल० ताहिं इट्ठा० एवं व्यासी बुझाहि भगवं! लोगनाहा पवत्तेहि धम्मतित्थं जीवाणं हियसुहनिस्सेयसकर ॥ श्रीज्ञाताधर्मकथाङ्गम् ॥
१३७
| पू. सागरजी म. संशोधित
For Private And Personal
