________________
www.kobatirth.org
Acharya Shri Kailashsagarsuri Gyanmandir
| जालंतरेहिं कणगमयं मत्थयछिड्डं पउमुप्पलपिहाणं पडिमं पासति, एस णं मल्ली विदेहरायवरकण्णत्तिकट्टु मल्लीए विदेह० रूवे य जोव्वणे य लावण्णेय मुच्छिया गिद्धा जाव अज्झोववण्णा अणिमिसाए दिट्ठीए पेहमाणा २ चिट्ठति, तते णं सा मल्ली वि० व्हाया जाव पायच्छित्ता सव्वालंकार• बहूहिं खुज्जाहिं जाव परिक्खित्ता जेणेव जालघरए जेणेव कणयपडिमा तेणेव उवाग० त्ता तीसे कणगपडिमाए मत्थयाओ तं परमं अवणेति, तते णं गंधे णिद्धावति से जहनामए अहिमडेति वा जाव असुभतराए चेव तते णं ते जियसत्तुपामोक्खा तेणं असुभेणं गंधेणं अभिभूया समाणा सएहिं २ उत्तरिजएहिं आसातिं पिति त्ता परम्हा चिट्ठति, तते णं सा मल्ली वि० ते जितसत्तुपाभोक्खे एवं व्यासी किण्णं तुब्भे देवाणुपिया ! सएहिं २ उत्तरिजहिं जाव परम्मुहा चिट्ठह ? तते णं ते जितसत्तुपामोक्खा मल्ल वि० एवं वयंति एवं खलु देवाणुम्पिए! अम्हं इमेणं असुभेणं गंधेणं अभिभूया समाणा सएहिं २ जाव चिट्ठामो, तते णं मल्ली वि० ते जितसत्तुपामुक्खे छप्पि रायाणो एवं वदासी जड़ ता देवाणुम्पिया ! इमीसे कणग० जाव पडिमाए कल्लाकालिं ताओ मणुण्णाओ | असण ४ एगमेगे पिंडे पक्खिम्पमाणे २ इमेयारुवे असुभे पोग्गलपरिणामे इमस्स (किमंग पा० ) पुण ओरालियसरीरस्स खेलासवस्स वंतासवस्स पित्तासवस्स सुक्कसोणियपूयासवस्स दुरूवऊसासनीसासस्स दुरूवमुत्तपूतियपुरीसपुण्णस्स सडण जाव धम्मस्स के रिसए परिणामे भविस्सति ?, तं मा णं तुब्भे देवाणु० ! माणुस्सएस कामभोगेसु सज्जह रज्जह गिज्झह मुज्झह अज्झोववज्जह, एवं खलु | देवाणु० ! तुम्हे अम्हे इमाओ तच्चे भवग्गहणे अवरविदेहवासे सलिलावतिंसि विजए वीयसोगाए रायहाणीए महब्बलपामोक्खा सत्तवि
॥ श्रीज्ञाताधर्मकथाङ्गम् ॥
१३३
पू. सागरजी म. संशोधित
Shri Mahavir Jain Aradhana Kendra
For Private And Personal
