________________
Shri Mahavir Jain Aradhana Kendra
www.kobatm.org
Acharya Shri Kalashsagarsur Gyanmand
अण्णमण्णस्स दूयसंपेसणं करेंति त्ता एवं वदासी एवं खलु देवाणुप्पिया ! अहं छण्हं राईणं दूया जमगसमगं चेव जावनिच्छूढा तं सेयं खलु देवाणुप्पिया ! अहं कुंभगस्स जत्तं गेण्हित्तएत्तिकट्ठ अण्णमण्णस्स एतभट्ठ पडिसुणेति त्ता हाया सण्णद्धा हत्थिखंधवगया सकोरंटमल्लदामा जाव सेयवरचामराहिं० महयाहयगयरहपवरजोहकलियाए चाउरंगिणीए सेणाए सद्धिं संपरिवुड। सव्विड्डीए जाव रवेणं सएहिं २ जाव निगच्छंति नगरेहिंतो० त्ता एगयओ मिलायंति त्ता जेणेव मिहिला तेणेव पहारेत्थ गमणाए, तते णं कुंभए राया इमीसे कहाए लद्धढे समाणे बलवाउयं सहावेति त्ता एवं वदासी खियामेव० हय जाव सेण्णं सन्नाहेह जाव पच्चप्पिणंति, तते णं कुंभए हाते सण्णद्धे हथ्खिं५० सकोरंट० सेयवरचाभरए महया० मिहिलं मझमझेणं णिज्जाति त्ता विदेहं जणवयं मझमझेणं जेणेव देसअंते तेणेव उवा० त्ता खंधावारनिवेसं करेति त्ता जियसत्तुपा० छप्पिय रायाणो पडिवालेमाणे जुझसजे पडिचिट्ठति, तते णं ते जियसत्तुपाभोक्खा छप्पिय रायाणो जेणेव कुंभए तेणेव उवा०त्ता कुंभएणंरना सद्धि संपलगा यावि होत्या, ततेणं ते जियसत्तुपाभोक्खा छप्पि रायाणो कुंभयं रायं हयमहियपवरवीरघाइयनिवडियचिंधद्धयप्पडागं किच्छप्पाणोवयं दिसो दिसिं पडिसेहिंति, तते णं से कुंभए जितसत्तुपाभोक्खेहिं छहिं राईहिं हयमहित जाव पडिसेहिए समाणे अत्थामे अबले अवीरिए जाव अधारणिज्जमितिकट्ट सिग्धं तुरियं जाव वेइयं जेणेव भिहिला तेणेव उवा० त्ता मिहिलं अणुपविसति त्ता मिहिलाए दुवारातिं पिहेइ त्ता रोहसज्जे चिट्ठति, तते णं ते जितसत्तुपामोक्खा छप्पि रायाणो जेणेव० उवागच्छंति त्ता मिहिलं रायहाणिं णिस्संचार णिरुच्चारं सव्वतो समंता ओलंभित्ताण ॥ श्रीजाताधर्मकथाङ्गम् ॥
| पू. सागरजी म. संशोधित
For Private And Personal
