________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir
वाधूयं वासुण्हं वा अपासमाणे जाणेसिजारिसए मम चेवणं ओरोहे तारिसए णो अपणस्सतं एवं खलु जियसत्तू! भिहिलाए नयरीए| कुंभगस्स धूता पभावतीए अत्तिया मल्ली नामंति रूवेण य जुव्वणेण जाव नो खलु अण्णा काई देवकन्ना वा जारिसिया मल्ली, मल्लीए विदेहवरायकण्णाए छिण्णस्सवि पायंगुढगस्स इमे तवोरोहे सयसहस्सतिमंपि कलं न अग्धइत्तिकटु जामेव दिसंपाउन्भूया तामेव दिसंपडिगया, तते णं से जितसत्तू परिवाइयाजणितहासे दूयं सहावेति त्ता जाव पहारेत्थ गमणाए ८०ततेणं तेसिं जियसत्तुपाभोक्खाणं छण्हं राईणं दूया जेणेव मिहिला तेणेव पहारेत्थ गमणाए, तते णं छप्पिय दूतका जेणेव मिहिला तेणेव उवाग० त्ता मिहिलाए अग्गुज्जाणंसि पत्तेयं २ खंधावारनिवेसं रेंति त्ता भिहिलं रायहाणी अणुपविसंति त्ता जेणेव कुंभए तेणेव उवा० पत्तेयं २ कयल० साणं २ राईणं वयणातिं निवेदंति, तते णं से कुंभए तेसिं दूयाणं अंतिए एयम€ सोच्चा आसुरुते जाव तिवलियं भिडिं० एवं क्यासी न देमि णं अहं तुब्भं भल्ली विदेहवरकण्णंतिकटु ते छप्पि दूते असक्कारिय असम्माणिय अवहारेणं णिच्छु भावेति, तते णं जितसत्तुपामोक्खाणं छण्हं राईणं दूया कुंभएणं रन। असकारिया असम्माणिया अवदारेणं णिच्छु भाविया सभाणा जेणेव सगा २ जणवया जेणेव सयाति २ गराई जेणेव सगा २ रायाणो तेणेव उवा० करयलपरि० एवं वयासी एवं खलु सामी ! अम्हे जितसत्तुपामोक्खाणं छण्हं राईणं दूया जमगसमगं चेव जेणेव मिहिला जाव अवदारेणं निच्छुभावेति, " देइ णं सामी ! कुंभए मल्ली वि०,साणं२राईणं एयभट्ट निवेदंति, तते णं ते जियसत्तुपामोक्खा छप्पिरायाणो तेसिंदूयाणं अंतिए एयमढे सोच्चा निसम्म आसुरुता | ॥श्रीजाताधर्मकथाङ्गम् ॥
| पू. सागरजी म. संशोधित
For Private And Personal
