________________
Shri Mahavir Jain Arachana Kendra
www.kobatirth.org
Acharya Shn Kailashsagarsur Gyanmandir
जेणेव मल्लदिन्ने कुमारे तेणेव उवागच्छद ना करयलपरिग्गहियं जाव वद्धावेइ त्ता एवं व्यासी एवं खलु सामी! तस्स चित्तगरस्स इमेयारूवा चित्तकरलद्धी लद्धा पत्ता अभिसमन्त्रागया जस्सणं दुपयस्स वा जाव णिव्वत्तेति तं मा णं साभी! तुब्भे तं चित्तगरं वझं आणवेह, तं तुब्भेणं साभी! तस्स चित्तगरस्स अनं त्याणुरुवं दंड निव्वत्तेह, तए णं से मल्लदिने तस्स चित्तगरस्स संडासगं छिंदावेइ त्ता निविसयं आणवेइ, तए णं से चित्तगरए मल्लदिनेणं णिव्विसिए आणत्ते समाणे सभंडमत्तोवगरणमायाए मिहिलाओणयरीओ णिक्खमइ (प्र०य) विदेहं जणवयं मझूमझेणं जेणेव कुरुजणवए जेणेव हथिणाउरे नयरे जेणेव अदीणसत्तू राया तेणेव उवा०त्ता भंडणिक्खेवं करेइत्ता चित्तफलगंसजेइत्ता मल्लीए विदेह० पायंगुठ्ठाणुसारेण रूवं णिव्वत्तेइ त्ता कक्खंतरंसि छुब्भइत्ता महत्थं जाव पाहुडं गेण्हइ त्ता हथिणापुरं नयरं मझंमज्झेणं जेणेव अदीणसत्तू राया तेणेव उवागच्छति त्तातं करयल जाव वद्धावेइ त्ता पाहुडं उवणेति त्ता एवं क्यासी एवं खलु अहं साभी! मिहिलाओ रायहाणीओ कुंभगस्स रनो पुत्तेणं पभावतीए देवीए अत्तएणं मल्लदिन्नेणं कुमारणं निव्विसए आणत्ते समाणे इह हव्वमागए, तं इच्छामि णं सामी! तुब्नं बाहुच्छायापरिगहिए जाव परिवसित्तए, तते णं से अदीणसत्तू राया तं चित्तगरदारयं एवं वदासी किन्नं तुम देवाणुप्पिया! मल्लदिण्णेणं निव्विसए आणत्ते ? तए णं से चित्तयरदारए अदीणसत्तुरायं एवं वदासी एवं खलु सामी! मल्लदिन्ने कुमारे अण्णया क्याई चित्तगरसेणिं सहावेइ त्ता एवं व०-तुब्णं देवाणुप्पिया! मम चित्तसभंत चेव सव्वं भाणियव्वं जाव मम संडासगं छिंदावेइत्ता निव्विसयं आणवेइ, तं एवं खलु अहं सामी! मल्लदिनेणं कुमारेणं निव्विसए ॥श्रीज्ञाताधर्मकथाङ्गम् ॥
पू. सागरजी म. संशोधित
For Private And Personal
