________________
Shri Mahavir Jain Aradhana Kendra
www.kobatirm.org
Acharya Sh Kailashsagarsur Gyanmandir
सेयं खलु ममं मल्लीएवि पायंगुट्ठाणुसारेणं सरिसगं जाव गुणोववेयं रूवं निव्वत्तित्तए, एवं संपेहेति त्ता भूमिभागं सज्जेति त्ता मल्लीएवि|| पायंगुढ़ाणुसारेणं जाव निव्वत्तेति, तते णं सा चित्तगरसेणी चित्तसभं जाव हावभाव० चित्तेति त्ता जेणेव मल्लदिन्ने कुमारे तेणेव उवा० त्ता जाव एतमाणत्तियं पच्चप्पिणंति, तए णं मल्लदिने चित्तगरसेणिं सकारेइ त्ता विपुलं जीवियारिहं पीइदाणं दलेइ त्ता पडिविसजेइ, तएणं मल्लदिन्ने अत्रया बहाए अंतेउरपरियालसंपरिवुडे अभ्मधाईए सद्धिं जेणेव चित्तसभं उवा०चित्तसभं अणुपविसइत्ता हावभाव विलासविब्बोयकलियाई रूवाइं पासमाणे २ जेणेव मल्लीए विदेहवररायकत्राए तयाणुरूवे रूवे णिव्वत्तिए तेणेव पहारेत्थ गमणाए, तए णं से मल्लदिन्ने कुमारे मल्लीए विदेहवररायकनाए तयाणुरूवं रूवं निव्वत्तियं पासति त्ता इमेवारुवे अब्भत्थिए जाव समुष्पज्जित्था एसणं मल्ली विदेहवरायकन्नत्तिकटु लज्जिए वीडिए विअडे सणियं २ पच्चीसक्कइ, तए णं मल्लदिनं अम्मधाई सणियं २ पच्चीसवंत पासित्ता एवं वदासी किन तुम पुत्ता! लज्जिए वीडीए (प्र० वेड्डे ) विअडे सणियं २ पच्चोसकसि?,तते णं सेमल्लदिन्ने अम्मधातिं एवं वदासी जुत्तं णं अम्भो! मम जेट्टाए भगिणीए गुरुदेवयभूयाए लज्जणिज्जाए मम चित्तगरणिव्वत्तियं सभं अणुपविसित्तए?, तए णं अम्मधाई मल्लदिन्नं कुमारं एवं व०, नो खलु पुत्ता! एस मल्ली, एस णं मल्ली विदे० चित्तगरएणं तयाणुरूवे रूवे णिव्वत्तिए, तते णं मल्लदिन्ने अम्मधाईए एयभटुं सोच्चा आसुरुत्ते एवं क्यासी केस भो णं चित्तथरए अपत्थियपत्थिए जाव परिवजिए जे णं मम जेट्टाए भगिणीए गुरुदेवयभूयाए जाव निव्वत्तिएत्तिकटु तं चित्तगरं वझं आणवेइ, तए णंसा चित्तगरस्सेणी इमीसे कहाए लद्धट्ठा समाणा ॥ श्रीज्ञाताधर्मकथाङ्गम् ॥
|१२५
| पू. सागरजी म. संशोधित
For Private And Personal
