________________
Shri Mahavir Jain Arachana Kendra
www.kobatirth.org
Acharya Sh Kailashsagarsur Gyanmandir
कुंभ। सुवनारसेणिं सहावेति त्ता जाव निविसया आणत्ता, तं एएणं कारणेणं सामी ! अम्हे कुंभएणं निव्विसया आणत्ता, तते || से संखे सुवनगारे एवं वदासी के रिसिया णं देवाणुप्पिया! कुंभगस्स धूया पभावतीदेवीए अत्त्या मल्ली वि०?, तते णं सुवन्नगारा संखरायं एवं वदासी णो खलु सामी ! अन्ना काई तारिसिया देवकन्ना वा गंधव्वकन्नगा वा जाव जारिसिया णं मल्ली विदेहवररायकना, तते णं से संखे कुंडलजुअलजणितहासे दूतं सदावेति जाव तहेव पहारेत्थ गमणाए ७८॥ तेणं कालेणं० कुरुजणवए होत्था हत्थिणारे नगरे अदीणसत्तु नामं राया होत्था जाव विहरति, तत्थ्णं मिहिलाए कुंभगस्स पुत्ते पभावतीए अत्तए मल्लीए अणुजायए मल्लदिन्नए नाम कुमारे जाव जुवाया यावि होत्था, तते णं मल्लदिन्ने कुमारे अन्नया कोडुंबिय० सहावेति त्ता गच्छह णं तुब्भे मम भदवर्णसि एगं महं| चित्तसभं करेह अणेग जाव पच्चप्पिणंति, तते णं से मल्लदिने चित्तगरसेणिं सहावेति त्ता एवं क्यासी तुब्भे णं देवा०! चित्तसभं हावभावविलासविब्बोयकलिएहिं रूवेहिं चित्तेह त्ता जाव पच्चप्पिणह, तते णं सा चित्तगरसेणी तहत्ति पडिसुणेति त्ता जेणेव सयाई गिहाई तेणेव उवा० त्ता तूलियाओ वन्नए य गेण्हंति त्ता जेणेव चित्तसभा तेणेव उवागच्छंति त्ता अणुपविसंति त्ता भूमिभागे विरचंति त्ता भूमिं सजेति त्ता चित्तसभं हावभाव जाव चित्ते पयत्ता यावि होत्था, तते णं एगस्स चित्तगरस्स इमेयारूवा चित्तगरलद्धी लद्धा पत्ता अभिसमन्नागया जस्सणंदूपयस्स वा चउपयस्स वा अपयस्स वा एगदेसभविपासति तस्सणं देसाणुसारेणं तयाणुरूवं रूवं निव्वत्तेति, तए णं से चित्तगरदारए मल्लीए जवणियंतरिया, जालंतरेण पायंगटुं पासति, तते णं तस्सणं चित्तगरस्स इमेयारूवे जाव ॥ श्रीज्ञाताधर्मकथाङ्गम् ॥
पू.सागरजी म. संशोधित
For Private And Personal
