________________
www.kobatirth.org
Shri Mahavir Jain Aradhana Kendra
Acharya Shri Kailashsagarsuri Gyanmandir
| घडित्तए नो चेव णं संचाएति संघडित्तए, तते णं सा सुवन्नगारसेणी जेणेव कुंभए तेणेव उवागच्छति ता करयल० वद्धावेत्ता एवं/
वदासी एवं खलु सामी ! अज्ज तुब्मे अम्हे सद्दावेह जाव संधि संघाडेत्ता एतमाणं पच्चष्पिणह, तते णं अम्हे तं दिव्वं कुंडलजुयलं गेण्हामो जेणेव सुवन्नगारभिसियाओ जाव नो संचाएमो संघाडित्तए, तते णं अम्हे सामी एयस्स दिव्वस्स कुंडलस्स अन्नं सरिसयं कुंडलजुयलं घडेमो, तते गं से कुंभए राया तीसे सुवन्नगारसेणीए अंतिए एयमहं सोच्चा निसम्म आसुरुत्ते निवलियं भिउडी निडाले साहट्टु एवं वदासी से के णं तुम्मे कलायाणं भवह जे णं तुब्भे इमस्म कुंडलजुयलस्स नो संचाएह संधि संघाडेत्तए ?, ते सुवन्नगारे निव्विस आणवेति, तते णं ते सुवन्नगारा कुंभेणं रण्णा निव्विसया आणत्ता समाणा जेणेव सातिं २ गिहातिं तेणेव उवा० ता सभंडमत्तोवगरणमायाए मिहिलाए रायहाणीए मज्झमज्झेणं निक्खमंति ता विदेहस्स जणवयस्स मज्झंमज्झेणं जेणेव कासी जणवए जेणेव वाणारसी नयरी तेणेव उवा० ता अग्गुज्जाणंसि सगडी सागडं मोएन्ति ता महत्थं जाव पाहडं गेण्हंति त्ता वाणारसीनयरीं मज्झमज्झेणं जेणेव संखे कासीराया तेणेव उवागच्छंति ता करयल० जाव एवं० अम्हे णं सामी ! मिहिलातो नयरीओ कुंभएणं रन्ना निव्विसया आणत्ता समाणा इहं हव्वमागता तं इच्छामो णं सामी ! तुब्भं बाहुच्छायापरिग्गहिया निब्भया निरुव्विगा सुहंसुहेणं परिवसिउं, तते णं संखे कासीराया ते सुवन्नगारे एवं वदासी किन्नं तुब्भे देवा० ! कुंभएणं रन्ना निव्विसया आणत्ता ? तते णं ते सुवन्नगारा संखं एवं वदासी एवं खलु सामी ! कुंभगस्स रनो धूयाए पभावतीए देवीए अत्तयाए मल्लीए कुंडलजुयलस्स संधी विसंघडिए तते णं से
॥ श्रीज्ञाताधर्मकथाङ्गम् ॥
१२३
पू. सागरजी म. संशोधित
For Private And Personal
