________________
Shri Mahavir Jain Aradhana Kendra
www.kobatirth.org
Acharya Shri Kailashsagarsun Gyanmandir
आणत्ते, तते णं अदीणसत्तू राया तं चित्तगरं एवं वदासी से केरिसए देवाणुप्पिया! तुमे भल्लीए तदाणुरूवे रूवे निव्वत्तिए?, तते णं से|| चित्त० कक्खंतराओ चित्तफलयं णीणेति त्ता अदीणसत्तुस्स उवणेइत्ता एवं व०-एसणसामी ! मल्लीए वि० तयाणुरुवस्स रूवस्स केई आगारभावपडोयारे निव्वत्तिए णोखलु सक्का केणइ देवेण वा जाव मल्लीए विदेहरायवरणगाए तयाणुरूवे रूवे निव्वत्तित्तए, तते णं अदीणसत्तू पडिरुवजणितहासे दूयं सहावेति २ एवं वदासी तहेव जाव पहारेत्य् गमणाए १७९१ तेणं कालेणं० पंचाले जणवए कंपिल्लपुरे नयरे जियसत्तू नामराया पंचालाहिवई, तस्सणं जितसत्तुस्स थारिणीपाभोक्खं देवीसहस्सं ओरोहे होत्था, तत्थ णं मिहिलाए चोक्खा नाम परिव्वाइया रिउव्वेद जाव परिणिट्ठिया यावि होत्या, त्ते णं सा चोक्खा परिव्वाइया मिहिलाए बहूणं राईसरजावसत्थवाहपभितीणं पुरतो दाणधम्मं च सोयधम्मं च तित्थाभिसेयं च आघवेमाणी पण्णवेमाणी पवेमाणी उवदंसेमाणी विहरति, तते णं सा चोक्खा परिव्वाइया अन्नया क्याई तिदंडं च कुंडियं च जाव धाउरत्ताओ य गेण्हइ त्ता परिवाइगावसहाओ पडिनिक्खभइ त्ता पविरलपरिव्वाइयाहिं सद्धिं संपरिवुडा मिहिलं रायहाणिं मझमझेणं जेणेव कुंभगस्स रनो भवणे जेणेव कण्णं तेरे जेणेव मल्ली विदेह० तेणेव उवागच्छइ त्ता उदयपरिकोसियाए दब्भोवरि पच्चत्थुयाए भिसिथाए निसीयति त्ता मल्लीए विदेह० पुरतो दाणधम्मं च जाव विहरति, तते णं मल्ली विदेह० चोक्खं परिव्वाइयं एवं व्यासी तुब्भे णं चोक्खे ! किंभूलए धमे पनत्ते ? तते णं सा चोक्खा परिव्वाइया मल्ली विदेह एवं वदासी अहं णं देवाणुप्पिए ! सोयभूलए धमे पण्णवेमि, जाणं अहं किंचि असुई भवइ तण्णं || ॥श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
