________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अग्गिसाहिए चोरसाहिए रायसाहिए मच्चुसाहिए दाइयसाहिए अग्गिसामने जावदाइयसामने अधुवे अणितिए असासए पुट्विंवा पच्छ।|| वा अवस्सविष्यजहियव्वे भविस्सइ, से केसणं जाणइ तं चेव जाव पव्वइत्तए, तए णं तं जमालिं खत्तियकुमारं अभ्मताओ जाहे नो संचाएन्ति विसयाणुलोमाहिं बहूहिं आधवणाहि य पनवहूणाहि य सन्नवणाहि य विनवणाहि य आघवेत्तए वा पनवेत्तए वा सन्नवेत्तए वा विण्णवित्तए वा ताहे विसयपडिकूलाहिं संजमभयुव्वेयणकरीहिं पनवणाहिं पनवेमाणा एवं क्यासी एवं खलु जाया! निग्गंथे पावणे सच्चे अणुत्तरे केवलिए जहा आवस्सए जाव सव्वदुक्खाणमंतं करेति अहीव एगंतदिट्ठीए खुरो इव एगंतधाराए लोहमया जवा चावेयव्वा वालुयाकवले इव निस्साए गंगा वा महानदी पडिसोयगमणयाए महासमुद्दे वा भुयाहिं दुत्तरो तिक्खं कमियव्वं गरुयं लंबेयव्वं असिधारगं वतं चरियव्वं नो खलु कप्पड़ जाया ! समगाणं निग्गंथाणं आहाकम्भिएत्ति वा उद्देसिएइ वा मिस्सजाएइ वा अझोयरएइ वा पूइएइ वा कीएइ वा पाभिच्चेइ वा अच्छेज्जेइ वा अणिसटेइ वा अभिहडेइ वा कंतारभत्तेइ वा दुब्भिक्खभत्तेइ वा गिलाणभत्तेइ वा वदलियाभत्तेइ वा पाहणाभत्तेइ वा सेज्जायरपिंडेइ वा रायपिंडेइ वा मुलभोयणेइ वा कंदभोयणे वा फलभोयणेइ वा बीयभोयणेइ वा हरियभोयणेइ वा भुत्तए वा पायए वा, तुझं सिचणंजाया ! सुहसमुचिए णो चेवणं दुहसमुचिते नालं सीयं नालं उण्हं नालं खुहा नालं पिवासा नालं चोरा नालं वाला नालं दंसा नालं मसया नालं वाइयपित्तियसेंभियसत्रिवाए विविहे रोगायंके परीसहोवसग्गे उदिने अहियासेत्तए, तं नो खलु जाया ! अम्मे इच्छामो तुझं खणमवि विप्पओगंतं अच्छाहि ताव जाया! जावताव ॥ श्रीभगवती सूत्रं ॥
| पू. सागरजी म. संशोधित ||
For Private And Personal Use Only
