________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
गुणवल्लहाओ उत्तमाओ निच्चं भावाणुरत्तसव्वंगसुंदरीओ भारिआओ, तंभुंजाहि ताव जाया ! एताहिं सद्धिं विउलेमाणुस्सए कामभोगे, तओ पच्छ। भुत्तभोगी विसयविगयवोच्छिन्न कोउहाले अम्हेहि काल्गएहिं जाव पव्वइहि सि, तए णं से जमाली खत्तियकुमारे अम्मापियरी एवं वयासी तहाविणं अभ्भताओ ! जन्नं तुझे मम एवं वयह इमाओले जाया ! विपुलकुल जाव पव्वइहिसि, एवं खलु अम्मताओ! माणुस्सया कामभोगा असुई असासया वंतासवा पित्तासवा खेलासवा सुक्कासवा सौणियासवा उच्चारपासवणखेलसिंघाणगवंतपित्तपूयसुक्कसोणियसमुब्भवा अभणुत्रदुरुवमुत्तपूइयपुरीसपुत्रा भयगगंधुस्सासा असुनिस्सासा उव्वेयणगा बीभत्था अप्पकालिया लहुसगा कलिमलाहियासदुक्खा बहुजणसाहारणा परिकिलेसकिच्छदुक्खस-झा अबुहजाणिसेविया सदा साहुगरहणिज्जा अणंतसंसारवद्धणा कडुगफलविवागा चुडलिव्व अमुच्चमाणा दुक्खाणुबंधिणो सिद्धिगमणविग्धा, से केसणं जाणति अम्मताओ! के पुव्विं गमणयाए के पच्छा गभणयाए?,तं इच्छामिण अम्माओ! जाव पव्वइत्तए, ताणतं जमालिं खत्तियकुमारं अम्मापियरो एवं व्यासी इमेय जाया ! अज्जयपज्जयपिउपजयागए बहु हिरने यसुवने कसे य दूसे य विउलथणकणगजावसंतसारसावएज्जे अलाहि जाव आसत्तमाओ कुलवंसाओ पकाभं दाउं पकामं भोत्तुं पकामं परिभाएउ तं अणुहोहिं नाव जाया ! विउले माणुस्सए इड्ढिसकारसमुदए, तओ पच्छ। अणुहूयकलाणे वड्ढियकुलतंतु जाव पव्वइहिसि, नए णं से जमाली खत्तियकुमारे अम्मापियरो एवं वयासी तहाविणं तं अमताओ! जनं तुझे ममं एवं वदह इमं च ते जाया ! अजगपजग जाव पव्वइहिसि, एवं खलु अभ्मताओ! हिरने य सुवने य जाव सावएज्जे ॥ ॥ श्रीभगवती सूत्रं ॥
| पू. सागरजी म. संशोधित
For Private And Personal Use Only
