________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| अजिणे जिणप्पलावी जाव जिणसद्द पगासेमाणे विहरइ, गोसाले णं मंखलिपुत्ते अजिणे जिणम्पलावी जाव पगासेमाणे विहरड़, तए णं सा महतिमहालया महच्चपरिसा जहा सिवे जाव पडिगया, नए णं सावत्थीए नगरीए सिंघाडग जाव बहुजणो अन्नमन्नस्स जाव परूवेइ जन्नं देवाणुपिया ! गोसाले मंखलिपुत्ते जिणे जिणप्पलावी जाव विहरइ तं मिच्छा, समणे भगवं महावीरे एवं आइक्खड़ जाव परूवेइ एवं खलु तस्स गोसालस्स मंखलिपुत्तस्स मंखली नामं मंखे पिता होत्या, तए णं तस्स मंखलिस्स एवं चेव तं सव्वं भाणियव्वं जाव अजिणे जिणसद्द पगासेमाणे विहरइ, तं नो खलु गोसाले मंखलिपुत्ते जिणे जिणम्पलावी जाव विहरड़, गोसाले मंखलिपुत्ते अजिणे जिणप्पलावी जाव विहरइ, समणे भगवं महावीरे जिणे जिणप्पलावी जाव जिणसहं पगासेमाणे विहरइ, नए णं से गोसाले मंखलिपुत्ते बहुजणस्स अंतियं एयम सोच्चा निसम्म आसुरुत्ते जाव मिसिमिसेमाणे आयावणभूमीओ पच्चोरुहइ ता सावत्थिं नगरिं मज्झमज्झेणं जेणेव हालाहलाए कुंभकारीए कुंभकारावणे तेणेव उवागच्छ ता हालाहलाए कुंभकारीए कुंभकारावणंसि आजीवियसंघसंपरिवुडे महया अमरिसं वहमाणे एवं च णं विहरइ । ५४६ । तेणं कालेणं० समणस्स भगवओ महावीरस्स अंतेवासी आणंदे नामं थेरे पगइ भद्दए जाव विणीए छट्ठछट्टेणं अणिक्खित्तेणं तवोकम्मेणं संजमेणं तवसा अप्पाणं भावेमाणे विहरड़, तए णं से | आणंदे थेरे छट्टक्खमणपारणगंसि पढमाए पोरिसीए एवं जहा गोयमसामी तहेव आपुच्छइ तहेव जाव उच्चनीयमज्झिम जाव अडमाणे | हालाहलाए कुंभकारीए कुंभकारावणस्स अदूरसामंते वीइवयइ, तए णं से गोसाले मंखलिपुत्ते आणंद थेरं हालाहलाए कुंभकारीए
॥ श्रीभगवती सूत्रं ॥
| २१५
पू. सागरजी म. संशोधित
For Private And Personal Use Only
