________________
Shri Mahavir Jain Aradhana Kendra
www.kobatirth.org
Acharya Shri Kalassagarsuri Gyanmandir
असद्दहमाणे० ममं पणिहाए अयन मिच्छावादी भवउत्तिकट्ठ ममं अंतियाओ सणियं २ पच्चोसकसि त्ता जेणेव से तिलथंभए तेणेव|| उवा० ना जाव एगंतमंते एडेसि, तक्खणमेत्तं गोसाला! दिव्वे अब्भवद्दलए पाउब्भूते, तए णं से दिव्वे अब्भवहलए खियामेव तं चेव जाव तस्स चेवतिलथंभगस्सएगाए तिलसंगलियाए सत्त तिला पच्चायाया, तंएसणं गोसाला! से तिलथंभए निष्फन्ने णो अनिष्फनमेव, ते य सत्त तिलपुष्पजीवा उदाइत्ता २ एयस्स चेव तिलथंभयस्स एगाए तिलसंगलियाए सत्त तिला पच्चायाया, एवं खलु गोसाला! वणस्सइकाइया पट्टपरिहारं परिहरंति, तए णं से गोसाले मंखलिपुत्ते मम एवमाइक्खमाणस्स जाव परूवेमाणस्स एयमटुं नो सहहति० एयमटुं असदहमाणे जाव अरोएमाणे जेणेव से तिलथंभए तेणेव उवागच्छइ त्ता ताओ तिलथंभयाओ तं तिलसंगलियं खुड्डति त्ता करयलंसि सत्त तिले पफोडेइ तए णं तस्स गोसालस्स मंखलिपुत्तस्स ते सत्त तिले गणमाणस्स अयमेयारूवे अब्भत्थिए जाव समुपज्जित्था एवं खलु सव्वजीवाविपट्टपरिहारं परिहरंति, एसणंगोयमा! गोसालस्स मंखलिपुत्तस्स पट्टे, एसणं गोयमा! गोसालस्स मंखलिपुत्तस्स ममं अंतियाओ आयाए अवक्कमणे पं० १५४४। तए णं से गोसाले मंखलिपुत्ते एगाए सणहाए कुम्मासपिंडियाए एगेण य वियडासएणं छटुंछट्टेणं अनिक्खित्तेणं तवोकम्मेणं उड्ढे बाहाओ पगिझिय २ जाव विहरइ, तए णं से गोसाले मंखलिपुत्ते अंतो छण्हं मासाणं संखित्तविउलतेयलेसे जाए १५४५। तए णं तस्स गोसालस्स मंखलिपुत्तस्स अन्नया कयावि इमे छहिसाचरा अंतियं पाउब्भवित्था तं०-साणो तं चेव सव्वं जाव अजिणे जिणसह पगासेमाणे विहरति, तं नो खलु गोयमा! गोसाले मंखलिपुत्ते जिणे || ॥ श्रीभगवती सूत्रं ॥
. सागरजी म. संशोधित
२१४
For Private And Personal Use Only
