________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| अणिट्ठा फासा अणिट्ठा गती अणिट्ठा ठिती अणिट्टे लावन्ने अणिट्ठा जसोकित्ती अणिट्टे उड्डाणकम्मबलवीरियपुरिसक्कारपरक्कमे, असुरकुमारा दस ठाणाई पच्चणुभवमाणा विहरंति तं० - इट्ठा सद्दा इट्ठा रूवा जाव इट्ठे उट्ठाण कम्मबलवीरियपुरिसक्कार परक्कमे, एवं जाव थणियकुमारा, पुढविक्वाइया छट्टाणाई पच्चणुभवमाणा वि० नं० - इट्ठाणिट्ठा फासा इट्ठाणिट्ठा गती एवं जाव परक्कमे, एवं जाव वणस्सइकाइया, बेइंदिया सत्तट्ठाणाई पच्चणुभवमाणा विहरंति तं० - इट्ठाणिट्ठा रसा सेसं जहा एगिंदियाणं, तेंदिया णं अट्ठ द्वाणाई पच्चणुभवमाणा वि० नं० - इट्ठाणिट्ठा गंधा सेसं जहा बेंदियाणं, चउरिंदिया नव द्वाणाई पच्चणुभवमाणा विहरंति तं०-इट्ठाणिट्ठा रूवा सेसं जहा तेंदियाणं, पंचिंदियतिरिक्खजोणिया दस ठाणाई पच्चणुभवमाणा विहरंति तं० - इट्ठाणिट्ठा सद्दा जाव परक्कमे, एवं मणुस्सावि, वाणमंतर जोइसियवेमाणिया जहा असुरकुमारा । ५१५ । देवे णं भंते! महिड्ढीए जाव महेसक्खे बाहिरए पोग्गले अपरियाइत्ता पभू तिरियपव्वयं वा तिरियभित्तिं वा उल्लंघेत्तए वा पल्लंघेत्तए वा ?, गोयमा ! णो तिणट्ठे समट्ठे, देवे णं भंते ! महिड्दिए जाव महेसक्खे बाहिरए पोग्गले परियाइत्ता पभू तिरिय जाव पल्लंघेत्तए वा ?, हंता पभू । सेवं भंते! सेवं भंते ! त्ति । ५१६ ॥ ० १४३०५ ॥
रायगिहे जाव एवं व्यासी नेरइया णं भंते! किमाहारा किंपरिणामा किंजोणीया किंठितीया पं०?, गोयमा ! नेरइया णं पोग्गलाहारा पोग्गल परिणामा पोग्गलजोणिया पोग्गलद्वितीया कम्मो वगा कम्मा कम्मद्वितीया कम्मुणामेण विप्परियासमेंति, एवं जाव वेमाणिया ।५१७। नेरइया णं भंते! किं वीयीदव्वाइं आहारेंति अवीचिदव्वाइं आहारेंति ?, गोयमा ! नेरतिया वीचिदव्वाइंपि आहारेंति अवीचिदव्वाइंपि ५. सागरजी म. संशोधित
॥ श्रीभगवती सूत्रं ॥
१९२
For Private And Personal Use Only
