________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जे से विग्गहगइसमावन्नए असुरकुमारे से णं एवं जहेव नेरतिए जाव कमति, तत्थ णं जे से अविग्गहगइसमावन्त्रए असुरकुमारे से णं | अत्थेगतिए अगणिकायस्स मज्झमज्झेणं वीतीवएज्जा अत्थेगतिए नो वीइव०, जेणं वीतीवएज्जा से णं तत्थ झियाएज्जा ?, नो तिणट्टे समट्ठे, नो खलु तत्थ सत्थं कमति, से तेणट्टेणं, एवं जाव थणियकुमारे, एगिंदिया जहा नेरइया, बेइंदिया णं भंते ! अगणिकायस्स मज्झंझेणं जहा असुरकुमारे तहा बेइंदिए 5वि, नवरं जे णं वीयीवएज्जा से णं तत्थ झियाएज्जा ?, हंता झियाएज्जा, सेसं तं चेव, एवं जाव चउरिदिए, पंचिंदियतिरिक्खजोणिए णं भंते! अगणिकाय० पुच्छा, गोयमा ! अत्थेगतिए वीड़वएज्जा अत्थेगतिए नो वीइवएज्जा, से केणट्टेणं०?, गोयमा ! पंचिंदियतिरिक्खजोणिया दुविहा पं० तं० - विग्गहगतिसमावन्नगा य अविग्गह गइसमावन्नगा य विग्गहगइ समावन्नए जहेव नेरइए जाव नो खलु तत्थ सत्थं कमइ, अविग्गह गइसमावन्नगा पंचिदियतिरिक्खजोणिया दुविहा पं० तं०इढिपत्ता य अणिढिपत्ता य, तत्थ णं जे से इढिप्पत्ते पंचिंदियतिरिक्खजोणिए से णं अत्थेगइए अगणिकायस्स मज्झम् झेणं वीयीवएज्जा अत्थेगइए नो वीयीवएज्जा, जे णं वीयीवएज्जा से णं तत्थ झियाएज्जा?, नो तिणट्टे समट्टे, नो खलु तत्थ सत्थं कमइ, तत्थ णं जे से अणिढिप्पत्ते पंचिदिंयतिरिक्खजोणिए से णं अत्थेगतिए अगणिकायस्स मज्झमज्झेणं वीयीवए जा अत्थेगतिए नो वीइवएज्जा, जेणं वीइवएज्जा से णं तत्थ झियाएज्जा ?, हंता झियाएज्जा, से तेणद्वेणं जाव नो वीयीवएज्जा, एवं मणुस्सेऽवि, वाणमंतर जोइसियवेमाणिए जहा असुरकुमारे १५१४ । नेरतिया दस ठाणाई पच्चणुभवमाणा विहरंति तं०-अणिट्टा सद्दा अणिट्ठा रूवा अणिट्ठा गंधा अणिट्ठा रसा पू. सागरजी म. संशोधित
॥ श्रीभगवती सूत्रं ॥
१९१
For Private And Personal Use Only
