________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पडिकति हयगय जाव सन्नाति त्ता जेणेव कूणिए राया तेणेव उवागच्छन्ति त्ता करयल० कूणियस्सरन्नो तमाणत्तियं पच्चपिणंति,|| तएणं से कूणिए राया जेणेव मजणधरे तेणेव उवागच्छइ त्ता मजणघरं अणुपविसइ नाण्हाए क्यबलिकम्मे कयकोउयभंगलपायच्छित्ते सव्वालंकारविभूसिए सत्रद्धबद्धवम्मियकवए उप्पीलियसरासणपट्टिए पिणद्धवेज्जे विमलवरबद्धचिंधपट्टे गहियाउहप्पहरणे सकोरिटमल्लदामेणं छत्तेणं धरिजमाणेणं चउचाभरवालवीतियंगे मंगलजयसद्दक्यालोए एवं जहा उक्वाइए जाव उवागच्छित्ता उदाई हत्थिरायं दुरुढे, तए णं से कूणिए राया (प्र०यवरिंदे ) हारोत्थयसुक्यरइयवच्छे जहा उववाइए जाव सेयवरचाभराहिं उधुव्वमाणीहिं २ हयगयरहपवरजोहकलियाए चाउरंगिणीए सेणाए सद्धिं संपरिबुडे महया भडच्डगरविंदपरिक्खित्ते जेणेव महासिलाकंटए संगामे तेणेव उवागच्छइत्ता महासिलाकंटयंसंगामं ओयाए, पुरओय से सके देविंदे देवराया एगं महं अभेजं कवयं वइपडिरुवगं विउव्वित्ताणं चिट्ठति, एवं खलु दो इंदा संगाम संगामेति, २०-देविंदे व मणुइंदे य, एगृहत्थियाविणं पभू कूणिए राया पराजिणित्तए, तए णं से कूणिए राया महासिलाकंटकं संगाम संगामेमाणे नव मल्लई नव लेच्छई कासीकोसलगा अद्वारसवि गणरायाणो हयमहियपवरवीरघाइयवियडियचिंधद्धयपडागे किच्छपाणगए दिसोदिसिं पडिसेहित्था, से केणद्वेणं भंते! एवं वुच्चइ महासिलाकंटए संगामे? २, गोयमा! महासिलाकंटए णं संगामे वट्टमाणे जे तत्थ आसे वा हत्थी वा जोहे वा सारही वा तणेण वा पत्तेण वा कटेण वा सकराए वा अभिहम्मति सव्वे से जाणइ महासिलाए अहं अभिहए २,से तेणटेणं गोयमा! महासिलाकंटए संगामे२, महासिलाकंटए णं भंते! ॥ श्रीभगवती सूत्र ।
५. सागरजी म. संशोधित
For Private And Personal Use Only
