________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अपच्चस्खाणी, एवं जाव चरिदिया, पंचिंदियतिरिक्खजोणिया मणुस्सा य जहा जीवा, वाणमंतरजोइसियवेभाणिया जहा नेरइया. एएसिंणं भंते! मूलगुणपच्चक्खाणी उत्तरगुणपच्चक्खाणी अपच्चक्खाणीय कयरे २ हिंतो जाव विसेसाहिया वा?, गोयमा! सव्वत्थोवा जीवामूलगुणपच्चक्खाणी उत्तरगुणपच्चक्खाणी असंखेजगुणा अपच्चक्खाणी अनंतगुणा, एएसिंणं भंते! पंचिंदियतिरिक्खजोणियाणं० पुच्छा, गोयमा! सव्वत्थोवा जीवा पंचेदियतिरिक्खजोणिया मूलगुणपच्चक्खाणी उत्तरगुणपच्चक्खाणी असंखेजगुणा अपच्चक्खाणी असंखिजगुणा, एएसिं णं भंते! मणुस्साणं मूलगूणपच्चक्खाणीणं० पुच्छा, गोयमा! सव्वत्थोवा मणुस्सा मूलगुणपच्चक्खाणी उत्तरगुणपच्चक्खाणी संखेजगुणा अपच्चक्खाणी असंखेजगुणा, जीवाणं भंते! किं सव्वमूलगुणपच्चक्खाणी देसमूलगुणपच्चक्खाणी अपच्चक्खाणी?, गोयमा! जीवा सव्वभूलगुणपच्चक्खाणीवि देसमूलगुणपच्चक्खाणीवि अपच्चक्खाणीवि, नेरइयाणं पुच्छा, गोयमाः || नेरइया नो सव्वमूलगुणपच्चक्खाणी नो देसमूलगुणपच्चक्खाणी अपच्चक्खाणी, एवं जाव चारिदिया, पंचिंदियतिरिक्ख० पुच्छी, गोयमा! पंचिंदियनिरिक्ख० नो सव्वमूलगुणपच्चक्खाणी देसमूलगुणपच्चक्खाणीवि अपच्चक्खाणीवि, मणुस्सा जहा जीवा, वाणमंतरजोइसवेमाणिया जहा नेरइया, एएसिंणं भंते! जीवाणं सव्वमूलगुणपच्चक्खाणीणं देसमूलगुणपच्चक्खाणीणं अपच्चक्खाणीण य कयरे २ हिंतो जाव विसेसाहिया वा?, गोयमा! सव्वत्थोवा जीवा सव्वमूलगुणपच्चक्खाणी देसभूलगुणपच्चक्खाणी असंखेनगुणा अपच्चक्खाणी अणंतगुणा, एवं अन्याबहुगाणि तिन्निवि जहा पढभिलए दंडए, नवरं सव्वयोवा पंचिंदियतिरिक्खजोणिया || ॥श्रीभगवती सूत्र॥
पू. सागरजी म. संशोधित
For Private And Personal Use Only
