________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
णो पाणे अतिवातित्ता भवइ णो मुसं वत्तिता भवति तथारूवं समणं वा माहणं वा फासुएसणिज्जेणं असणपाणखाइमसाइमेणं|| पडिलाभेत्ता भवइ, इच्छेतेहिं तिहिं ठाणेहिं जीवा दीहाउयत्ताए कम्म पगरेंति, तिहिं ठाणेहिं जीवा असुभदीहाउयत्ताए कम्मं पगरेंति, तंजधा पाणे अतिवातिता भवइ मुसं वइता भवइ (पाणे अतिवायित्ता मुसंवयित्ता पा०) तहारूवं सम्णं वा माहणं वा हीलेता जिंदित्ता खिंसेत्ता गरहित्ता अवमाणित्ता अन्नयरेणं अमणुनेणं अपीतिकारतेणं असण० पडिलाभेत्ता भवइ, इच्छेतेहिं तिहिं ठाणेहि जीवा असुभदीहाउअत्ताए कम्मं पगरेंति, तिहिं ठाणेहिं जीवा सुभदीहाउअत्ताते कम्मं पगरेंति, तं० - णो पाणे अतिवातित्ता भवइ णो मुसं वदित्ता भवइ तहारूवं समणं वा माहणं वा वंदित्ता नमंसित्ता सक्कारित्ता संभाणेत्ता कल्लाणं मंगलं देवतं चेतितं पजुवासेत्ता मणुनेणं पीतिकारएणं असणपाणखाइमसाइमेणं पडिलाभित्ता भवइ, इच्छेतेहिं तिहिं ठाणेहिं जीवा सुहदीहाउतत्ताते कम्म पगरेंति ।१२५। ततो गुत्तीतो पन्नत्ताओ, तं०- मणगुत्ती वतिगुत्ती कायगुत्ती, संजयमणुस्साणं ततो गुत्तीओ पं०, तं - मण० वइ० काय० तओ अगुत्तीओ पं०, तं० मणअगुत्ती वइअगुत्ती कायअगुत्ती, एवं नेरइताणं जाव थणियकुमाराणं, पंचिदियतिरिक्खजोणियाणं असंजतमणुस्साणं वाणमंतराणं जोइसियाणं वेमाणियाणं ततो दंडा पं०० मणदंडे वइदंडे कायदंडे, नेरझ्याणं तओ दंडा पण्णत्ता, तं. मणदंडे वइदंडे कायदंडे, विगलिंदियवज जाव वेमाणियाणं । १२६ तिविही गरहा पं० ०- माणसा वेगे गरहति वयसा वेगे|| गरहति कायसा वेगे गरहति, पावाणं कमाणं अकरणयाए, अथवा गरहा तिविही पं० ०-दीहंपेगे अद्धं गरहति रहस्संपेगे अद्धं ॥ श्रीस्थानाङ्ग सूत्र ॥
| पू. सागरजी म. संशोधित
For Private And Personal
