________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
भिक्खुपडियाए पीढं वाफलगंवा निस्सेणिं वा उदूहलंवा आहट्ट उस्सविय दुरू हिज्जा० से तत्थ दुरुहमाणे पयलिज वा पवडिज्ज वा से तत्थ् पयलमाणे वा २ हत्थं वा पायं वा बाहुं वा उरुं वा उदरं वा सीसंवा अन्य वा कायंसि इंदियजालं लूसिज वा पाणीणि वा ४ अभिहणिज्ज वा वित्तासिज वा लेसिज वा संघसिज वा संघट्टिज वा परियाविज वा किलामिज वा ठाणाओ ठाणं संकामिज वा, तं तहप्पगारं मालोहडं असणं वा ४ लाभे संते नो पडिगाहिजा, से भिक्खू वा २ जाव समाणे से ज० असणं वा ४ कोट्ठियाओ वा कोलेजाओ वा अस्संजए भिक्खुपडियाए उकुन्जिय अवजिय ओहरियं आहढ दलइज्जा, तहप्पगारं असणं वा ४ लाभे संते नो पडिगाहिज्जा । २६० से भिक्खू वा० से ज० असणं वा ४ मट्टियाउलितं तहप्पगारं असणं वा ४ लाभे सं० केवली, अस्संजए भि० मट्टिओलित्तं असणंवा० उब्भिंदमाणं पुढविकायं समारंभिजा तह तेउवाउवणस्सइतसकायं समारंभिज्जा,पुणरवि उल्लिंपमाणे पच्छकम्म करिज्जा, अह भिक्खूणं पुव्वो० जं तहप्पगारं मट्टिओलित्तं असणं वा लाभे । से भिक्खू से ज० असणं वा ४ पुढविकायपइद्वियं तहप्पगारं असणं वा अफासुयं०, से भिक्खू० ज० असणं वा ४ आउकायपइट्टियं चेव, एवं अगणिकायपइट्ठियं लाभे०, केवली०, अस्संज० भि० अगणिं उस्सक्किय निस्सक्किय ओहरिय आहट्ट दलइज्जा, अह भिक्खूणं० जाव नो पडि० । २६१। से भिक्खू वा २ से ज० असणं वा ४ अच्चुसिणं अस्संजए भि० सुप्पहेण वा विहयणेण वा तालियंटेण वा पत्तेण वा साहाए वा साहाभंगेण वा पिहुणहत्थेण वाचेलेण वा चेलकण्णण वा हत्थे वा महेण वा फमिज वा वीइज वा,से पुवामेव आलोइज्जाआउसोत्ति वा भइणित्ति वा ! मा || ॥श्रीआचाराङ्ग सूत्र॥
पू. सागरजी म. संशोधित
For Private And Personal Use Only
