________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
||जीवाणं सव्वेसिं सत्ताणं असायं अपरिनिव्वाणं महब्मयं दुक्खतिबेमि १३४।०४ ३०२॥
___उवेहि णं बहिया य लोगं से सव्वलोगमि जे केइ विष्णू, अणुवीइ पास निक्खित्तदंडा, जे केइ सत्ता पलियं चयंति, नरा/ भुयच्चा धम्मविउत्ति अंजू, आरंभजं दुक्खमिणति णच्चा, एवमा संसत्तदंसिणो, ते सव्वे पावाइया दुक्खस्स कुसला परिण्णमुदाहरंति |इय कम्मं परिण्णाय सव्वसो १३५। इह आणाकंखी पंडिए अणिहे, एगमप्याणं सपेहाए धुणे सरीरं कसेहि अपाणं जरेहि अप्पाणं| जहा जुनाई कट्ठाई हव्ववाहो पमत्थइ, एवं अत्तसमाहिए अणिहे विगिंच कोहं अविकंपमाणे १३६। इमं निरुद्धाउयं सपेहाए दुक्खं च जाण अदु आगमेस्स, पुढो फासाई च फासे, लोयं च पास विफंदमाणं, जे निव्वुडा पावेहिं कस्मेहिं अणियाणा ते वियाहिया तम्हा अतिविजो नो पडिसंजलिज्जासित्तिबेमि । १३७। अ० ४ ३० ३ ॥
____ आवीलए पीलए निप्पीलए जहित्ता पुव्वसंजोगं हिच्चा उत्सम, तम्हा अविमणे वीर सारए समिए सहिए सया जए, दुरणुचरो मग्गो वीराणं अनियट्टगामीणं, विगिंच मंससोणियं, एस पुरिसे दविए वीरे आयाणिजे वियाहिए जे धुणाइ समुस्सयं वसित्ता बंभचेरंसि ।१३८॥ नित्तेहिं पलिच्छिन्नेहि. आयाणसोयगढिए बाले अव्वोच्छिन्नबंधणे अणभिकंतसंजोए तमंसि अवियाणओ आणाए लंभोनस्थित्तिबेमि १३९। जस्स नत्थि पुरा पच्छ। मझे तस्स कुओ सिया ?, से हु पन्नाणमंते बुद्धे आरंभोवरए संममेयंति पासह जेण बंधं वहं घोरं परियावं च दारुणं, पलिछिंदिय बाहिरगं च सोयं निकंमदंसी इह मच्चिएहि, कमाणं सफलंदट्टण तओ निजाइ वेयवी ॥श्रीआचाराङ्ग सूत्र
५. सागरजी म संशोधित
For Private And Personal Use Only
