________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तेसि पि पुग्गलाणं अकालपत्ताण उदयआवलिया । समइच्छियाण जीव-प्पभावओ तत्थ दुइयाए ।। १५२ ॥ जं किर उदयावलिए पवेसणं सा उदीरणा भणिया । तिण्डंपि य संजोगो (गं) एयपयत्थो सुगम एव ॥ १५३ ।। एगछसगट्ठभेया बंधट्ठाणा हवंति ते चउरो । चउसत्तअट्ठउदय-ट्ठाणा सत्तट्ठ छप्पंच
।। १५४ ॥ दुण्णि य उदीरणाए इय भावणिया उ वित्तिओ नेया । अह पत्तेयं पभणइ बंधुदयाईणि उ गुणेसु
|| १५५ ।। छसु एवमाइगाहाछगं तहिं छसु इमाएँ गाहाए । बंध तहिं इगदुगचउपणछगसत्तसु गुणेसु छसु ॥ १५६ ॥ बंधंति सगट्ठविहं आउयबंधो अ नत्थि सत्तविहं । अट्ठविहमाउबंधे सत्त तिअट्ठमनवगुणेसु
॥ १५७ ।। आउविणा तह सुहुमे मोहेण विणा उ छच्च तह तिण्णि । उवसंताई सायं बंधंति अबंधगो जोगी
|| १५८ ॥ सत्तट्ठगाहा उदओ तहि छसत्तट्ठबंधगा दससु । इगबंधा उवसंताईसुं तीसुं इह गुणेसु
।। १५९ ॥ उदओ मिच्छाइदससु अहृदयुवसम्मि खीणि सत्तेव । मोहविणा भवुवग्गहचउकम्मा जोगजोगिम्मि ।। १६० ॥ वासद्दो बहुअत्थो तो वासद्दा इमं पि विण्णेयं । अब्बंधगो व जोगी वेयइ चत्तारि कम्माणि
॥ १६१ ॥ उदयं भणित्तु पभणइ उदीरणं मिच्छादिट्ठि एमाई। गाहाणं चउगेणं तस्स पुणो एस भावत्थो
॥ १६२ ।। उद्दीरणाएँ आइदुचउपणछसु सत्तड तइए अट्ठ। सगडनवदसगुणेसुं वेयणियाउय विणा छच्च ॥ १६३ ॥
30
For Private And Personal Use Only
