________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तत्त्व-समुच्चय
चंडो ण मुयइ बेरं भंडण सीलो य धम्म-दयरहिओ ।
दुट्टो ण य एदि वसं लक्खणमेयं तु किस्स || ४७ || ५०८ मंद बुद्धिविणो णिविण्णाणी य विसयलोलो य । लक्खणमेयं भणियं समासदो णीललेस्सस्स || ४८ ॥ ५१० रूसइ दिइ अण्णे दूसह बहुसो य सोयमयबहुलो |
ण गणइ कज्जाकज्जं लक्खणमेयं तु काउस्स ॥ ४९ ॥ ५१३ जाणइ कज्जाक सेयमसेयं च सव्वसमपासी । दय- दाणरदो य मिदू लक्खणमेयं तु तेउस्स ॥ ५० ॥ ५१४ चागी भद्दो चोक्खो उज्जवकम्मो य खमदि बहुगं पि । साहु-गुरुपूजणरदो लक्खणमेयं तु पम्मस्स ॥ ५१ ॥ ५१५ णय कुणइ पक्खवायं ण वि य णिदाणं समो य सव्वे । णत्थि य रायद्दासा णेहो वि य सुक्कलेस्सस्स || ५२ ॥ ५१६ ११ भव्यत्व
भविया सिद्धी जे जीवाणं ते हवंति भवसिद्धा । तब्बिवयाऽभव्या संसारादो ण सिज्झति ॥ ५३ ॥ ५५६ १२ सम्यक्त्व
छप्पंचणवविहाणं अत्याणं जिणवरोवइद्वाणं ।
आणाए अहिगमेण य सद्दहणं होइ सम्मत्तं ॥ ५४ ॥ ५६० खीणे दंसणमोहे जं सद्दहणं सुणिम्मलं होई ।
तं खाइयसम्मत्तं णिच्चं कम्मखवदू ॥ ५५ ॥ ६४५ दंसणमोहृदयादो उपज जे पयत्यसदहणं । चलमलिनमगाढं तं वेदयसम्मत्तमिदि जाणे ॥ ५६ ॥ ६४८ दंसणमोहुवसमदो उप्पज्जइ जं पयत्यसदहणं ।
उवसमसम्मत्तमिणं पसण्णमलपंकतोयसमं ॥ ५७ ॥ ६४९ ण यमिच्छत्तं पत्तो सम्मत्तादो य जो य परिवडिदो । सो सासणो तियो पंचमभावेण संजुत्तो ॥ ५८ ॥ ६५३ सद्दहणासद्दहणं जस्स य जीवस्स होइ तच्चेसु । विरयाविरयेण समो सम्मामिच्छो त्ति णायव्वो ॥ ५९ ॥ ६५४
For Private And Personal Use Only
