________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तत्त्व-समुच्चय
६ कषाय सुहदुक्खसुबहुसस्स कम्मक्खेत्तं कसेदि जीवस्स । संसारदूरमेरं तेण कसाओ त्ति णं बेंति ॥ २२ ॥ २८१ सिल-पुढविभेद-धूली-जलराइसमाणओ हवे कोहो । णारय-तिरिय-णरामरगईसु उप्पायओ कमसो ॥ २३ ॥ २८३ सेलहि-कट्ठ-वेत्ते णियभेएणणुहरंतओ माणो । णारय-तिरिय-णरामरगईसु उपायओ कमसो ॥ २४ ॥ २८४ वेणुवमूलोरब्भयसिंगे गोमुत्तए य खोरप्पे । सरिसी माया णारय तिरिय-णरामरगईसु खिवदि जियं ॥ २५॥ २८५ किमिराय-चक्क-तणुमल-हन्दिराएण सरिसओ लोहो । णारय-तिरिक्ख-माणुस-देवेसुष्पायओ कमसो ॥ २६ ॥ २८६ णारय-तिरिक्ख-णर-सुरगईसु उप्पण्णपढमकालम्हि । कोहो माया माणो लोहुदओ अणियमो वापि ॥२७॥ २८७
७ ज्ञान पंचे व होति णाणा मदि-सुद-ओही-मणं च केवलयं । खयउवसमिया चउरा केवलणाणं हवे खइयं ॥ २८ ॥ २९९ अहिमुह-णियमियबोहणमाभिणिबोहियमणिंदि-इंदियनं । अवगह-ईहावाया धारणगा होति पत्तेयं ॥ २९॥ ३०५ विसयाणं विसईणं संजोगाणंतरं हवे णियमा । अवगहणाणं गहिदे विसेसकंखा हवे ईहा ॥ ३० ॥ ३०७ ईहणकरणेण जदा सुणिण्णओ होदि सो अवाओ दु । कालंतरे वि णिण्णिदवत्थुसमरणस्स कारणं तुरियं ॥ ३१ ॥ ३०८ अत्यादो अत्यंतरमुवलंभतं भणंति सुदणाणं । आभिणिबोहिय पुव्वं णियमेणिह सद्द पनुहं ॥ ३२ ॥ ३१४ अवहीयदि त्ति ओही सीमाणाणे त्ति वणियं समये । भवगुणपच्चय विहियं जमोहिणाणेति णं बेति ॥ ३३ ॥ ३६९ चिंतियमचिंतियं वा अद्धचितियमणेयभेयगयं ।
For Private And Personal Use Only
