________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मुनिधर्म
३-घ्राणनि० पयडीवासणगंधे जीवाजीवप्पगे सुहे असुहे । रागद्देसाकरण घाणणिरोहो मुणिवरस्स ॥ १९ ।।
४-जिह्वानि असणादिचदुवियप्पे पंचरसे फासुगम्हि णिरवज्जे । इट्ठाणिट्ठाहोरे दत्ते जिब्भाजओ ऽगिद्धी ॥ २० ॥
५-स्पर्शनिक जीवाजीवसमुत्ये कक्कडमउगादिअट्टभेदजुदे । फासे सुहे य असुहे फासणिरोहो असंमोहो ॥ २१ ॥
आवश्यक-६ समदा थओ य वंदण पाडिक्कमणं तहे व णादव्वं । पच्चक्खाण विसग्गो करणीयावासया छप्पि ॥ २२ ॥
१-समता जीविद-मरणे लाहालाहे संजोय-विप्पओगे य । .. बंधुरि-सुह-दुक्खादिसु समदा सामायियं णाम ॥ २३ ॥
२-स्तव उसहादिजिणवराणं णामणिरुत्तिं गुणाणुकित्तिं च । काऊण अच्चिदूण य तिसुद्धपणमो थओ णेओ ॥ २४ ॥
३-वंदन अरहंत-सिद्धपडिमा-तव-सुद-गुणगुरुगुरूण रादीणं । किदिकम्मेणिदरेण य तियरणसंकोचणं पणमो ॥ २५ ॥
४-प्रतिक्रमण दव्वे खेत्ते काले भावे य किदावराह-सोहणयं । जिंदण-गरहणजुत्तो मण-वच-कायेण पडिकमणं ॥ २६ ॥
५-प्रत्याख्यान णामादणिं छण्णं अजोग्गपरिवज्जणं तिकरणेण । पच्चक्खाणं णेयं अणागयं चागमे काले ॥ २७॥
For Private And Personal Use Only
