________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तत्त्व समुच्चय
समिति-५. १-ईया इरिया भासा एसण णिक्खेवादाणमेव समिदीओ । पडिठावणिया य तहा उच्चारादीण पंचविहा ॥ १० ॥ फासुयमग्गेण दिवा जुवंतरप्पेहणा सकज्जेण । जंतूण परिहरंती इरियासमिदी हवे गमणं ॥ ११ ॥
२-भाषा पेसुण्ण-हास-ककस-परणिदाप्पप्पसंसविकहादी । वज्जित्ता सपरहिंदं भासासमिदी हवे कहणं ॥ १२ ॥
३-एषणा छादालदोससुद्धं कारगजुत्तं विसुद्धणवकोडी । सीदादी समभुत्ती परिसुद्धा एसणा समिदी ॥ १३ ॥
४-आदान-निक्षेप णाणुवहिं संजमुवहिं सौचुवहिं अण्णमप्पमुवहिं वा । पयदं गहणिक्खेवो समिदी आदाणणिक्वेवा ॥ १४ ॥
५-प्रतिस्थापन एगंते अञ्चित्ते दूरे गूढे विसालमविरोहे । उच्चारादिच्चाओ पदिठावणिया हवे समिदी ॥ १५ ॥
इंद्रियनिग्रह-५ चक्खू सोदं घाणं जिब्भा फासं च इंदिया पंच । सग-सग-विसएहितो णिरोहियब्वा सया मुणिणा ॥ १६ ॥
१-चक्षुनि सचित्ताचित्ताणं किरिया-संठाण-वण्णभेएसु । रागादिसंगहरणं चक्खुणिरोहो हवे मुणिणो ॥ १७ ॥
२-श्रोत्रनि० सज्जादिजीवसद्दे वीणादिअजीवसंभवे सद्दे । रागादीण णिमित्ते तदकरणं सोदरोधो दु ॥ १८ ॥
For Private And Personal Use Only
