Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
२६
मलधारिश्रीहेमचन्दसूरिविरचिता उज्जेणि संपत्तो, सरस्सई वि हु केहं पि एइ तहिं । उज्जेणिराइणा, गभिल्लनामेण कइया वि ॥१०॥ समणीविदेण समं, वियारभूमि गया इमा दिवा । अह संकिलिट्ठकम्मोदएण सो चिंतए एवं ॥११॥ " जइ हंत ! इमा वि वयं, करेइ परिचत्तरइसुहा बाला । तो विहलपुरिसयारो", किह अज्ज वि वम्महो जियइ " ॥१२॥ इच्चाइ चिंतयंतो, मयणानलदड्ढगुरुविवेयदुमो । घेत्तुं हटेण अंतेउरम्मि तं साहुणिं खिवइ ॥१३॥ पोकरइ ददं च इमा, नयणंसुपवाहसित्तधरणियला । विलवइ य हा सहोअर !, हा पवयणनाह ! मुणिसीह ! ॥१४॥ सिरिकालगसूरि ! निवाहमेण एएण मज्झ हीरंतं । चरणधणं परिरक्खह, न तुम मोत्तूण महै सरणं ॥१५॥ अह कालगनरी वि हु, नाऊणं कह वि वइयरं एयं ।। गंतुं नरिंदपासे", पमणइ तं कोमलगिराहिं ॥१६॥ तारयगणाण चंदो, इंदो जह सुरगणाण नरनाह ! । तह लोयाण पमाणं, तं चिय ता कह इमं कुणसि ॥१७॥ इयरो वि अकज्जाओ नियत्तियव्वो पमाणपुरिसेहिं । जइ ते वि कुणंति इमं तो जायं सचमेयं" पि ॥१८॥ जत्य राया सयं चोरो, भंडिओ य पुरोहिओ । घेणे भयह नागरया !, जायं सरणओ भयं ॥१९॥ अन्नाण वि परजुबईण, राय ! संगो दुहावहो" चेव । जो लिंगिणीण संगो, सो पुण गरुयं महापावं ॥२०॥ बहुनरवरधूयासंगमे" इ, जइ निव ! गओ सि न हु तोस । तो चत्तविहूसाए हढेण गहियाइ दीणाए ॥२१॥ लिंगिणिमित्ताइ इमाइ, राय ! को तुज्झ होज परिओसो । नरवइणो य रिसीणं, धम्म बैंड्दति न मुसंति ॥२२।। जेण निवरक्खियाई", सुव्वंति तवोवणाई सव्वाइं । . तो चिंतिऊण एमाइ, मुंचें सयमेव मह बहिणिं ॥२३॥ इच्चाइ जुत्तिजुत्तं, सूरीहिं नराहिवो पमणिओ वि।
संजायविवज्जासो, जा न मुयइ साहुणि कह वि ॥२४॥
कहिपि P | १० ° भूमी C।११ रो मह'CI १२ मे स°C१३ °से, भणइ य त CI४ . तिC१५ दिसं भ°C। १६ °हो भवइC। १५ मेण, ज°C १८ वदति M | १९ ०ई बुजा.C २.मुंगसु भयमेव मह बहिणि CI
For Private And Personal Use Only
| SR No. | 020798 |
| Book Title | Collection of Kalka Story Part 02 |
| Original Sutra Author | N/A |
| Author | Ambalal P Shah |
| Publisher | Sarabhai Manilal Nawab |
| Publication Year | 1949 |
| Total Pages | 237 |
| Language | Hindi |
| Classification | Book_Devnagari |
| File Size | 13 MB |