________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
समयार्थबोधिनी टीका द्वि. श्रु. अ. १ पुण्डरीकनामाध्ययनम् उसो ! आया इयं सरीरं । से जहा णामए केइपुरिसे करयलाओ आमलगं अभिनिवट्टित्ता णं उवदंसेजा अयमाउसो! करतले अयं आमलए, एवमेव णस्थि केइपुरिसे उवदंसेत्तारो अयमाउसो ! आया इयं सरीरं। से जहा णामए केइपुरिसे दहिओ नवनीयं अभिनिवट्टित्ता णं उवदंसेज्जा अयमाउसो! नवनीयं अयं तु दही, एवमेव णस्थि केइपुरिसे जाव सरीरं। से जहा णामए केइपुरिसे तिलेहितो तिल्लं अभिनिव्वट्टित्ता णं उवदंसेज्जा अयमाउसो! तेल्लं अयं पिन्नाए, एवमेव जाव सरीरं। से जहा णामए केइपुरिसे इक्खूतो खोयरसं अभिनिव्वहिताणं उवदंसेजा अयमाउसो! खोयरसे अयं छोए, एवमेव जाव सरीरं। से जहा णामए केइपुरिसे अरणीओ अगि अभिनिवहित्ता णं उवदंसेज्जा अयमाउसो! अरणी अयं अग्गी, एवमेव जाव सरीरं। एवं असंते असंविज्जमाणे जेसिं तं सुयक्खायं भवइ, तं जहा-अन्नो जीवो अन्नं सरीरं । तम्हा ते मिच्छा। से हंता तं हणह खणह छणह डहह पयह आलूपह विलुपह सहसाकारह विपरामुसह, एयावया जीवे णस्थि परलोए, ते णो एवं विप्पडिवेदेति, तं जहा-किरियाइ वा अकिरियाइ वा सुकडेइ वा दुक्कडेइ वा कल्लाणेइ वा पावएइ वा साहुइ वा असाहुइ वा सिद्धीइ वा असिद्धीइ वा निरएइ वा अनिरएइ वा, एवं ते विरूवरूवेहि कम्मसमारंभेहिं विरूवरूवाई कामभोगाई समारभंति भोयणाए । एवं एगे पागब्भिया णिक्खम्म मामगं
For Private And Personal Use Only
