________________
Shri Mahavir Jain Aradhana Kendra
www.kobatirth.org
अण्णं च - अम्मो ! चिंतसु सम्मं वालत्ते जुबणम्मि बुडत्ते । असुइआणिच्चयरम्मि एयम्मि य मणुयजम्मे वि ॥ ३९ ॥ तहा हि-असुइविलित्तसरीरो पयपाणाडेलियवयणदुग्गंधो। मच्छीहिं भणिहिणंतो कह धम्मं कुणइ बालत्ते ? ॥४०॥ विसयासत्तो सत्तो वामारतो सुभोगगयचित्तो । परधणदारपसत्तो विसय महाजलण संतत्तो ॥ ४१ ॥ नवजोबणमयमत्तो जीवो संसारदुक्खमगणंतो । अलहंतो विरइसुहं कह धम्मं जोधणे कुणइ ? ॥४२॥ बुडत्तणे वि बालुब वयणलालाविलीणसबंगो । जंपर लल्लविललं गयदंतो कंपियावयवो ॥४३॥ सद्दिज्जंतो य पुणो पुणो वि कह कहवि देइ पडिवयणं । बहुविहवर्गवओ इसरो व बुतणे पुरिसो ॥ ४४ ॥ जरजज्जरियसरीरो पुत्तायत्ताइ सयलरिद्धीए । अगणिज्जंतो नियपरियणेण कह कुणइ सो धम्मं ॥ ४५ ॥ अम्मो ! एरिसदोसा हवंति मणुयत्तणस्स पच्चक्खा। ता जोधणे विधम्मो किज्जइ इच्छानिरोहेणं ॥ ४६ ॥ जम्मे जम्मे जीवो अँविस्संतो लहइ सुक्खदुक्खाई । सासयसुहं न पावइ जम्मणमरणेहि अकंतो ॥४७॥ अण्णं पि तुमं निसुणसु कुटुंबवासं ठिओ जणो मूढो । अण्णुण्णं पि न याणइ गयागई अत्तणो जम्हा ॥ ४८ ॥
१ आउलिन कुलित २ गम्बिओ इत्यपि पाठः ।
तंजा - देवा को विचविडं समागओ कोवि नरयवासाओ । तिरियगईए अण्णो अण्णो इह मणुयवासाओ ॥ ४९ ॥ आहारवत्थभूसणसयणासणला हलोहनॅडियाई । गुरुमोहमोहियाइं निवसंति कुटुंबवासम्मि ॥ ५० ॥ वच्चंति पुरो मरिडं खणं पि न रहंति अण्णमण्णस्स । नियकम्मनियलियाई पुणो वि जो जत्थ सो तत्थ ॥ ५१ ॥ माया मरेवि धूया धूया माया
Acharya Shri Kailassagarsuri Gyanmandir
३ अविसनो इत्यपि । ४ णडिअ० वञ्चित ।
For Private and Personal Use Only
