________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
भवजलहिजाणतुलं, संसह जिणदेसियं धम्मं ॥ ७७ ॥ भणइ मुणिंदो नरवर !, जइ एवं ता सुणेह अप्पहियं । सुविवेयगुणपहाणा, जिणधम्मपरायणा हुंति ॥ ७८ ॥ जस्स न सयं विवेओ, भवसयदुलहं पि सो लहेऊण । कह वि जिणधम्मरयणं, हारइ जम्मंधरोरुव ॥७९॥ सो पुण धम्मो दुविहो, जिणेहि भणिओ अनंतनाणीहिं । सिवनयरगमणमग्गो छ, साहुधम्मो य गिहिधम्मो ॥ ८०॥ तत्थाइमंमि सावज्जकज्जपरिवज्जणुज्जओ उज्जू । पंचमहचयपचय गुरुभारसमुग्रहणपवणो ॥ ८१ ॥ समिईगुत्तिपवित्तो, अममत्तो सत्तुमित्तसमचित्तो । परपरिवायविरत्तो, अवगयतत्तो महासत्तो ॥ ८२॥ एवं गुणसंजुत्तो, गुरुभत्तो कुणइ जो वयं सत्तो । सो अचिरेणं पावइ, सुमग्गलग्गो पवग्गपुरं ॥ ८३ ॥ तदकरणासत्तेहिं सावगधम्मो वि होइ कायो । कालेण सो वि सिवसुक्खदायगो सुणसु तं इहि ॥ ८४ ॥
तथाहि — तसजीवव हनि वित्ती, कण्णालीयाइभासणनिसेंहो । परदवपरिञ्चाओं, परिहारो परकलत्तस्स ॥ ८५ ॥ परिमाणं संतपरिग्गहस्स इच्छाइ दुविहतिविहाए । निव! एयाई अणुवयाई भवजल हिमहणाई ॥८६॥ दिसिपरिमाणं पढमं, वीयं भोगोवभोगमाणं च । जत्तेण वजणीओ चविहोणर्थदंडो अ ॥८७॥ सामाइयं च देसावगसियं पोर्सहो चरन्भेओ । साहण संविभांगो, चउरो सिक्खावयाई च ॥८८॥ इय दुल्लहपंचअणुवयाई सुगुणवयाई निव ! तिण्णि । सिक्खाबयाई चत्तारि एस खलु सागो धम्मो ॥८९॥ महुमज्जमंसमक्खणपंचुंबरिरयणिभोयणं चयह । जीवाजीवपयत्थे, निसुणेवि करेह सद्दहणं ॥ ९० ॥ तत्थ य जीवा नरवर ! दुविहा संसारिणो तहा मुत्ता । संसारिणो य दुविहा, तसा य तह थावरा भणिया ||११|| बेइंदियतेइंदियचउरो पंचिंदिया तसा चउहा । भूजलजलणानिलवणपंचविहा थावरा
For Private and Personal Use Only
