________________
Shri Mahavir Jain Aradhana Kendra
www.kobatirtm.org
Acharya Shri Kailassagarsuri Gyanmandir
॥१४७॥ ता निव! इमीइ धम्मो, पत्तो सिवसोक्खसाहणो तं च । ता कह मह वयणेणं, मुंचइ पत्तं व वररयणं? ॥१४८॥ अह कहमवि मह वयणं तुह धूया जइ न कुणइ नरनाह !। तोऽहं जणाण मज्झे, तिणं व सहसा हविस्सामि ॥१४९॥ जंपतो वि हु अत्थं, न गणिज्जइ जं तिणं व लोएण। निद्दोसस्स वि दोसं, ठवंति जं अलियवायाए ॥१५०॥ जं जम्मो नीयकुले, जोवणवंतस्स जं च दालिई । वरसीलरूवरहियं, जं च कलत्तं च पडिकलं ॥१५॥ जं वाहिलं देहं, जं च विओगो समं सबंधूहिं । जंच पवासो वसणं, सेवावित्तीइ निवहणं ॥१५२॥ जं मुक्खत्तं यत्तणं जं भोयणं परायत्तं । तं एवं सवं पावपुंजकडुरुक्खफलमसुहं ॥१५३॥ एएण कारणेणं, न भणामि नरिंद! किंपि तुह धूयं । अब्भत्थणाइ भंगो, आजम्मं डहइ गरुयाणं ॥१५४॥ इय सुदरिसणकहाए बुहकाणणअमयकुलतुल्लाए । सीलवइसंविहाणो, भाय! इमो पंचमुद्देसो ॥१५५॥ [ इइ पंचमुद्देसो]
अह छट्ठो उद्देसो। MI नयहेउजुत्तिकलियं, सीलवईए कहाणयं सोउं । भणियं सिंघलवइणा, भद्दे ! संगयमिणं किं तु ॥१॥ महिनिवडिया वि
करिणो तीरंति न लंघिउं तुरंगेहिं । इयरेहिं समा विसमठिया वि न हु हुँति जे गरुआ ॥२॥ ता मा कुणसु विसायं, तुम सुयाऽसि सयलपुहइनाहस्स । जस्साऽऽणं नरवइणो, सिरेण तिलउ छ धारंति ॥३॥ अम्हाण वि सो मित्तो, तुमं पिता कुवलयच्छि! गउरविया । एसा मह रायसिरी, साहीणा तुज्झ सवा वि ॥४॥
अवि य-आवइगया वि गयसंपया वि देसंतरंमि पत्ता वि । ठाणचुया वि गरुया, ठाणं पावेंति गरुययरं ॥५॥ अह
For Private and Personal Use Only
