________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandit
S
AMOUSNESAMSRLS
नियइ नरो जियंतो भद्दसए । अहव गरुए वि वसणे, अकायरा हुँति जे गरुया ॥११९॥ सुहियं पि विही विनडइ दुहियंपि | विडंबए विसेसेण । न गणइ बालं वुटुं न मुयइ रायं च रंकं च ॥१२०॥ न य मंततंतवाई विजं नीरोगमहव वाहिल्लं । छड्डुइ निग्घिणो एस हयविही किं च सोएण? ॥१२॥ कित्तियमेत्तं एयं, सोयचं इत्थ मणुअजम्मंमि ? । संसारो जं नूणं, दुक्खनिहाणं को विहिणा ॥१२२॥ नणु तणविलग्गजललवतरलं जीयं चलं च लायणं । अइचवलतरा य सिरी धम्मुच्चिय | निच्चलो एगो ॥१२३॥ जिणधम्मे पुण सारो, नवकारो तस्स गुरुप्पभावेण । जलजलणाई पसमंति सयलइट्ठाई सिझंति
॥१२४॥ अन्नह समुद्दमज्झे कत्थेसो विमलगिरिवरो तुंगो? । कत्तो य इत्थ महपवणपिल्लियं पवहणं पत्तं? ॥१२५॥ कत्तो हमह संजायं, दसणमेयस्स भिन्नपोयस्स ? । ता एयं तुह सबं नवकारपभावओ मिलियं ॥१२६॥ ता डहइ सयणविरहो,
दुहचिंताडाइणी वि ता छलइ । ता पडइ भवसमुद्दे, जिणनवकारं न जा सरइ ॥१२७॥ ता साहम्मिणि ! नियमाणसंमि 31मा कुणसु किं पि उबेयं । तुज्झ कणिट्ठो बंधू अजप्पभिई अहमवस्सं ॥१२८॥ संसारुव समुद्दो, विसमो वि इमेण जाण
वत्तेणं । जिणवयणसमेण तुमं तरह मए लहु सहाएण ॥१२९॥ इय एवं सोयरं, वणियकुमारस्स वयणमप्पहियं । सुणि-| ऊण तीइ भणियं, भाउय ! सुहयं तुमे भणियं ॥१३०॥
जओ-जो विहलियमासासइ, आवइपडियं च जो समुद्धरइ । सरणागयं च रक्खइ, तीसुतेसु अलंकिया पुहवी ॥१३१॥ लायण्णरूवजोवणविहवाइगुणेहि संजुया वि जए । परदुक्खदुक्खिया जे हवंति ते सज्जणा विरला ॥१३२॥ इय संतगुणे सा संसिऊण निव! जाणवत्तमारूढा । थोवदियहेहि जलहिं, तरेवि सा इत्थ संपत्ता ॥१३॥ सा चंदसिद्विपुत्तेण, तेण
For Private and Personal Use Only
