________________
Shri Mahavir Jain Aradhana Kendra
सुदंसणाचरियम्मि
॥ १५ ॥
www.kobatirth.org
Acharya Shri Kailassagarsuri Gyanmandir
अण्णं च - नवजोवणगुणकलिओ, ताय ! तए जं वरो समुवइट्ठो । तं पुबभवे वि मए, अणुभूअं विषयसुक्खफलं ॥८८॥ भुत्तं संसारफलं, दिट्ठो दइयस्स नेहपरिणामो । अलमिमिणा ताय ! धुवं, विडंवणामित्तसोक्खेणं ॥ ८९ ॥ ता गंतवं खु मए, भरुअच्छे ते मुणी पणमियधा । कायवं जिणभवणं पज्जत्तं विसयसोक्खेहिं ! ॥ ९०॥ लद्धे सुमाणुसत्ते, बुहेण तं किं पि होइ कायद्यं । जेण जरमरणवाही, पुणो वि देहे न संभवइ ॥ ९१ ॥ जायंति मरंति जिया, भमंति जायंति पुणरवि मरंति । जे पुण एगग्गमणा, कुणति धम्मं खु ते धण्णा ॥ ९२ ॥ इय बुहसिहिसुहयाए, घणमालाइ व सुदरिसणकहाए । धम्माधम्मवियारो, भउय ! उद्देसओ तुरियो ॥९३॥ [ इइ चउत्थो उद्देसो ]
अह पंचमुद्देसो ।
सत्थत्थनीइवित्थरियम इसमत्थं निएवि नियधूयं । भणइ निवो सप्पणयं, सहासमह सुंदरीसमुहं ॥ १ ॥ सुंदरि ! महाणुभावा !, सहावओ तं सकज्जमुज्जुत्ता । जइवि हु तहवि ममेगं, भद्दे ! वयणं निसामेह ||२|| तुज्झ पसाएणेसा, उप्पण्णा कुवलयच्छि ! मह धूया । ता तह भणेसु एसा, जह रज्जइ विसयसुक्खमि ||३|| अण्णं च इमा तुह भइणिअंत्तआ तुज्झ वल्लहा तह य । ता तुह वयणेण धुवं काहिइ अइदुक्करं पि लहुं ॥४॥ ता इत्थ भणसु जं तुज्झ जुजए जेण बुज्झए बाला । | सुयणाण वसणकाले हवंति समदुक्खिया गरुया ॥५॥ इय सुणिउं निववयणं, सा चिंतइ सुंदरी नियममि । अम्हाण
१ भगिन्यात्मजा ।
For Private and Personal Use Only
सीलवइसंविहाणो पंचमु
देसो ।
॥ १५ ॥
