________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तओ जाया सा साणुरायमणा ॥५॥ तो दूयमुहेण जएण राइणा सद्दिओ महासेणो । पंचवहणेहि चलिओ तो भग्गं पवहणं तस्स ॥६॥ तं सोउं चंपगलया विसयविरत्ता विसायसंपत्ता । दिट्ठा सुदरिसणाए देवीइ विमाणगमणाए ॥७॥ णियपुचजम्मधाइ त्ति जाणिडं तीइ बोहणमणाए । तित्थणमणत्थमेयं दिण्णं से पाउयाजुयलं ॥८॥ तित्थाइ णमंसंती सितुंजाईणि पाउयारूढा । संपइ इह संपत्ता तुमं सि सा चंपयलय त्ति ॥९॥ ता जे चलसम्मत्ता भद्दे ! भीमम्मि भवसमुद्दम । ते परिभमंति तुममिव इय मुणिवयणं सुणेडं सा ॥१०॥ उप्पण्णजाइसरणा जंपइ चंपयलया विगयमोहा । वासवदत्तो सो मह पुत्तो कत्थित्थ निवसेइ ? ॥ ११ ॥ भणइ मुणिंदो तइया काले मरिऊण अकयधम्मो सो । इत्तियकालं भमिओ क | भवे तिरियमणुसु ॥ १२ ॥ किंचिकयसुकयकम्मो मलयायलणियडमलइणयरीए । णामेण महासेणो संपइ सो णरवई जाओ ॥ १३॥ सो तुह परिणयणत्थं चलिओ जा एइ उयहिमज्झम्मि । पडिकूलपवणखित्तो समागओ सो वि ता इत्थ ॥ १४॥ तहा सुसियसरीरो वावीए सो जलं पिएकुण । तुह पाउयाण जुयलं दद्दृण ससंभमो जाओ ||१५|| सो तुज्झ पायपडिबिंबमगलग्गो समागओ इत्थ । जिणभवणे तुह रूवं णिएवि मयणाउरो जाओ ॥ १६ ॥ तुह रूवं पिच्छंतो णिवसइ किंकिलिपायवंतरि । उपिच्छह णियपुत्तो भणियमिणं चंडवेगेण ॥१७॥ सोऊण णिययचरियं राया धाराहओ बइल्लुब । गुरुलज्जो णमियसिरो समागओ साहुपयमूले ||१८|| सुमरंतो पुवभवं भणइ णिवो हं तए महाभाग ! । णिंदियकज्जाभिमुहो णिव| डंतो दुग्गइं धरिओ ॥ १९ ॥ ता मह कुणह पसायं णिवडामि जहा पुणो न संसारे । होंति उवयारणिरया णिक्कारणबंधवा गुरुया ॥२०॥ भणइ मुणिंदो भद्दय ! मोहतमाऽऽउलियणाणणयणाणं । कामंधजंतुयाणं संसारे कित्तियं एयं ॥२१॥ घण
For Private and Personal Use Only
