________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
*SAUSHUSHUSUSH
दाधणं सासयसुहाणं ॥४॥धम्मस्स दया मूलं दयाइ सुतवो तवस्स वरणाणं । नाणस्स य निवाणं ता जुत्तं सुयणु ! तवचरणं ॥५॥
जओ-कंचणमणिसोवाणं थंभसहस्सूसियं सुवण्णतलं । जो कारिज जिणहरं तओ वि तवसंजमो अहिओ॥६॥रायसुयाए भणियं जइ एवं ता गुरूहि निद्दिढं। अंबे! जुज्जइ काउं तवं चले जोबणे जीवे ॥७॥ एवं सा रायसुया सीलवईए समं पयत्तेणं । सबंगसुंदरं करइ चित्तमासे तवं एवं ॥८॥ सियपक्खे जिणपूयं करेवि एगंतरोववासेहिं । एगंतरियं च तहिं पारणयं अंबिलविसुद्धं ॥९॥ अंते वरजिणपूयं करेवि दाणं मुणीण सा देइ । दुहियाण दुत्थियाण य करुणाइ तहा ससत्तीए
॥१०॥ चित्तस्स कण्हपक्खे निरुजसिंहनामं करइ एवं पि । कारावेइ चिगिच्छं गिलाणमुणिसावयाणं च ॥११॥ बत्तीसट्र अंबिलाई एगंतरिएण एगभत्तेणं । सा करइ परमभूसणतवम्मि भणियाइ भावेण ॥१२॥ आहरणं च जिणाणं दाउं अण्णे
वि कुणइ विविहतवे । निक्खमण-नाण-निवाण-कम्मपरिसूडणाईणि ॥१३॥ रयणावलि-मुत्तावलि-भद्द-महाभद्द-सबओभई । एरिसतवे कुणंती तत्थ ठिया सट्टिवरिसाणि ॥१४॥ अण्णदिणे नियभवणे सुहासणत्था सुदंसणा |देवी । सुवयंसियाइ इक्काइ सायरं णमिय विण्णत्ता॥१५॥ वद्धाविजसि सामिणि! कुसलपउत्तीइ जणणिजणयाणं कमलाइ
आगमेणं च संपयं सुक्खजणएणं ॥१६॥ इत्थंतरम्मि कमला वि आगया पणमिऊण चलणेसु । देवीसुदरिसणाए पडिकुसलं साहए सद्धं ॥१७॥ जंपइ कमला सामिणि! नरवइणो चंदउत्तरायस्स । निद्दिढे तुह कुसले मुणीण तह दंसणे सुहए ॥१८॥ तुह बंधूण कणिट्ठो वसंतसेणो ठवेइ तं रजे । तुह जणणिबंधुसहिओ पडिवण्णो नरवई दिक्खं ॥१९॥ तेणाऽवि पुणो तुह बंधवेण रण्णा वसंतसेणेण । तुह संद्दिढ संपइ भवंतरे में वि बोहिज्जा ॥२०॥ तह पउमाधावीए वासवदत्तण
USHUSHI
For Private and Personal Use Only
