________________
Shri Mahavir Jain Aradhana Kendra
www.kobatirtm.org
Acharya Shri Kailassagarsuri Gyanmandir
5 तेण समं संचलिया बहुसीसा धम्मघोसआयरिआ । वरिसारत्ते पत्ते सत्थेण सम ठिआ रणे ॥६१६॥ सत्थियजणाण तुद्दे | संबलए ते तओ वणरिसिब । जाया कंदाऽऽहारा गिण्हंति न ताई तहवि मुणी ॥६१७॥ अह अण्णया धणेणं विचिंतियं
इत्थ दुक्खिओ को णु? । नायं मुणिणो दुहिया निरवज्जाऽऽहारभोइत्ति ॥६१८॥ तो तत्थ पंए गंतुं ते णमिय निमंतिउं गिहे | नेउं । पडिलाभिया घएणं तेण विसुद्धेण भावेण ॥६१९॥ कालेण मओ उत्तरकुरासु मिहुणत्तणेण सो होउं । सोहम्मे उववण्णो पलियाऽऽउसुरो महिड्डीओ ॥६२०॥ कालेण तओ चविउं अवरविदेहेसु इत्थ दीवम्मि । वक्खारगंधमायणणगस्स आसण्णवत्तिम्मि ॥६२१॥ विजयम्मि गंधिलावइणामम्मि सिरीइ सग्गसरिसम्मि । वेयड्डपबयवरे तियसाण वि कील| णट्ठाणे ॥६२२॥ गंधारजणवयम्मि रिद्धीसमिद्धं धराइ तिलयं व । गंधसमिद्धं नयरं समत्थि नयरंजियजणोहं ॥२३॥ सयबलरण्णो पुत्तो अइवलनामु त्ति अत्थि तत्थ निवो । सो मिहुणसुरो जाओ महाबलो नाम तस्स सुओ ॥२४॥ पियरम्मि उवरए सो संजाओ नरवई पगिट्ठबलो । सेविजंतो खयरेसरेहिं पालइ चिरं रजं ॥६२५॥ पंचविहविसयसुक्खं माणइ नियमाणसस्स इच्छाए । इंदियवसगो भक्खाऽभक्खाइ न किंचि चिंतंतो ॥६२६॥ पंचविहपमायपरो परिग्गहाऽऽरंभलालसो धणियं । कज्जमकज्जेसु सया वट्टइ सावज्जकज्जेसु ॥६२७॥ न पढइ नाणं न धरेइ दंसणं न मुणेइ चारित्तं । विसयकसायपरवसो न कुणइ धम्मस्स वत्ता वि॥६२८॥ तस्स य बालवयंसो अस्थि सयंबुद्धणामओ मंती । जिणवयणभावियमई सया वि हियकारओ रण्णो ॥६२९॥ अण्णो वि अत्थि मंती संभिण्णस्सोअणामओ सो उ । सयकालपुच्छणिज्जो
SACACANCARRAICRACTICAL
For Private and Personal Use Only
