________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyarmandie
दिण्णं मए एवं ॥४८५॥ इय सव्वसुद्धदाणप्पभावओ झत्ति पाउन्भूयाई। अब्भुअभूआई तहिं आगासे पंचदिवाई ॥४८॥ देवेहिं कया वुट्ठी गंधोदगपंचवण्णकुसुमाणं । तह रयणहिरण्णाणं चेलुक्खेवो कओ गयणे ॥४८७॥ पहयाओ दुंदुहीओ गयणे घुई अहोसुदाणं ति । सुरअसुरखयरनियरेहि पूरियं नहयलं सयलं ॥४८८॥ मिलिओ य तत्थ नरवइपमुहजणो पुर| जणो य विम्हइओ। तह जिणदासो सिट्ठी पसंसिओ सयललोएहिं ॥४८९॥ दाणं दितेण तया तेण जिणदाससावएण पुणो। देवाउयं निबद्धं कओ परित्तो य संसारो॥४९०॥धणवइमुणी वि अज्जिय कइहि वि ठाणेहि तित्थयरगोयं । मरित्रं महिड्डियसुरो उप्पण्णो नवमगेविजे ॥४९॥ तो चविउं इह भरहे सुदरिसणनिवस्स देविदेविसुओ। हत्थिणउरम्मि जाओ सोऽहं अरनामजिणनाहो ॥४९२॥ जिणदासो वि हु सिट्ठी चिरकालं पालिऊण गिहिधम्म । मरिउ अमरो जाओ| महडिओ बंभलोगम्मि ॥४९३॥ तो चविउं इह भरहे कंपिलपुरम्मि इन्भगेहम्मि। उप्पण्णो सो पुत्तो महिडिओ परमसड्डो य ॥४९॥ तत्थ वि उत्तमभोएहि संगओ पालिऊण गिहिधम्मं । सो मरिउं उप्पण्णो अच्चुयकप्पम्मि पवरसुरो ॥४९५॥ तत्तो चविउं जाओ तेणं पुण्णाणुबंधिपुण्णेणं । जिणदाससिद्धिजीवो एसो सो वीरभद्दु त्ति ॥४९६॥ इय पहुकहियं सोउं स वीरभद्दो सरित्तु नियजाई । पणमित्तु पहुं पभणइ भयवं! सब पि सच्चमिणं ॥४९॥ तो गिहिधम्म गहिउं सकलत्तो | सिट्ठिसंजुओ एसो। संपत्तो पुरमझे विहरइ अण्णत्थ सामी वि ॥४९८॥ अह सो पुच्छिय ससुरं सपिओ उक्कंठिओ नियपिऊणं । पवरविमाणाऽऽरूढो संपत्तो तामलित्तीए ॥४९९॥ ओयरिय विमाणाओ सपरियणो सह पियाहि सप्पणयं ।। अम्मापिऊण पणओ आणंदियसयलपुरलोओ ॥५०॥ भुंजितु पवरभोए तेण सुचिण्णेण पुवपुण्णेण । पालित्तु इमो सुइरं
OHISAISANTANAIS
For Private and Personal Use Only
