________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
विसण्णमणो । भणिओ पियाइ पिययम ! तुममेवं तम्मसे कीस ? ॥ ३६५॥ खेयनिमित्ते कहिए, मए तओ तीइ इय पुणो भणियं । पच्छा पच्छायावो, न होइ जह तं तह करिज्ज ॥ ३६६ ॥ इय चिंतासंतत्तस्स, अण्णया मज्झ आवेणे मिलिओ । सत्थाहउसभदत्तो, समागओ तामलित्तीए || ३६७ || साहम्मिओ महिड्डि त्ति तेण सद्धिं मए कया मित्ती । अह द मह धूयं, तेण इमं जंपिओ अहयं || ३६८ || मह अत्थि वीरभद्दो, निरुवमरूवाइगुणजुओ पुत्तो । गंधबकबगुडियापओगमाईसु पत्तट्ठो ॥ ३६९॥ तस्सऽणुरुवं कण्णं, मग्गंतेण इमा मए दिट्ठा। ता एस होउ जोगो, मए वि भणियं पमाणमिणं ॥ ३७० ॥ तुट्ठेण तेण गंतुं, सपुरीए पेसिओ विवाहत्थं । इहई स वीरभद्दो महईए जण्णजत्ताए ॥ ३७१ ॥ दण तस्स रूवं, सुद्द पहिद्वेण नियसुयाइ समं । परिणाविओ मए सो, महाविभूईइ सुमुहुत्ते || ३७२ || कवि दिणे टाउमिहं, वित्तुं पियदंसणं गओ सपुरिं । जं ससुरगिहे सुइरं, चिट्ठेति न माणिणो पुरिसा ॥ ३७३ ॥ अण्णदिणे निसुयं मे, जं सो जामाउओ विणा हे । पियदंसणं पसुत्तं, निसाइ मुत्तुं कहिं वि गओ ॥ ३७४ ॥ का वि पउत्ती संपइ, कहिया मह वामणेण एएण। परंमबत्ता भयवं ! ता कहसु फुडक्खरं मज्झ ॥ ३७५॥ अह कुंभो भणइ तया स वीरभद्दो इमं विचिंतेइ । बावत्तरीकलाणं, पारं पत्तो अहं ताव ॥ ३७६ ॥ सिद्धा य मज्झ मंता, विण्णाणाणि य मए अवगयाणि । नाया य दिवगुडिया, जोगा विम्हयकरा बहवे || ३७७॥ एयं निरत्थयं पुण, पिउलज्जाए अपायडंतस्स । देसंतरम्मि गंतुं पयडेमि इमं तओ सर्व्वं ॥ ३७८ ॥ इय चिंतिय निग्गंतुं गिहाउ गुडियापओगओ अप्पं । काऊण सामवण्णं, पच्छा सेच्छाइ भमइ महिं
१ हे । २ जण्णा० प्रात-ज्ञान । ३. सत्यवतां ।
For Private and Personal Use Only
