________________
Shri Mahavir Jain Aradhana Kendra
www.kobatirth.org
सोयचारी पडिसोयचारी अंतचारी मज्झचारी ४ (२३) चत्तारी गोला पं० तं०- मधुसित्थगोले जउगोले दारुगोले महियागोले ४ (२४) एवामेव चत्तारि पुरिसजाया पं० त० - मधुसित्थगोलसमाणे ४ (२५) चत्तारि गोला पं० तं० - अयगोले तउगोले तंबगोले सीसगोले ४ (२६) एवामेव चत्तारि पुरिसजाया पं० तं० - अयगोलसमाणे जाव सीसगोलसमाणे (२७) चत्तारि गोला पं० तं० - हिरण्ण गोले सुवन्नगोले रयणगोले वयरगोले (२८) एवामेव चत्तारि पुरिसजाया पं० तं हिरण्णगोलसमा जाव वइरगोलसमाणे (२९) चत्तारि पत्ता पं० तं०- असिपत्ते करपत्ते खुरपत्ते कलंबचीरितापत्ते (३०) एवमेव चत्तारि पुरिसजाया पं० तं०-असिपत्तसमाणे जाव कलंबचीरीयापत्तसमाणे (३१) चत्तारि कडा पं० तं० - सुंबकडे विदलकडे चम्मकडे कंबलकडे (३२) एवामेव चत्तारि पुरिसजाया पं० तं० - सुबकडसमाणे जाव कंबलकडसमाणे ( ३३ ) सू० ३४९, चउठिवहा चउप्पया पं० तं०- एगखुरा दुखुरा गंडीपदा सणप्फदा (३४) चउव्विहा पक्खी पं० तं० - चम्मपक्खी लोमपक्खी समुग्गपक्खी विततपक्खी (३५) चउव्विहा खड्डपाणा पं० तं० - बेइंदिया तेइंदिया
For Private and Personal Use Only
Acharya Shri Kailassagarsuri Gyanmandir
