________________
Shri Mahavir Jain Aradhana Kendra
८ महा
www.kobatirth.org
कामित्तणेण पयावइत्ति नामं कथं । अण्णया य सो विस्तभूई महासुकदेवलोयाओ चविऊण उबवण्णो मिगावइए | देवीए गर्भमि पुत्तत्ताए, तओ सा स्यणिमि सुहपसुत्ता सत्त महासुनिणे पासित्ता णं पडिबुद्धा, पहिट्ठहियया य गया रण्णो सगासे, निवेइओ सुविणबुत्तंतो, रन्ना भणियं देवि ! निच्छियं भुवणविक्खायजसो सयलसामंतम उलिमंडलमसिणियकमकमलो पयायपडिहयपडिवक्खो कुलकेऊ तुह पुत्तो भविस्सइ । जेण
एवंवि सुमिणाई देवि ! पुण्णेहिं कहवि दीसंति । हरिसभरनिच्भरंगी अभिनंदसु ता तुमभिमाई ॥ १ ॥ इइ जंपिऊण रण्णा वाहरिया सुमिणपाढगा कुसला । ते य नरिंदाएसं तहत्ति पडिवज्जिउं सहसा ॥ २ ॥ हाया कलिकम्मा परिहिय सुविसुद्ध सुंदरदुगुल्ला । सिरनिहियक्खय कुसुमा निडालकरोयणातिलया ॥ ३ ॥ करकलियनिमित्तागमपोत्थयसत्था समत्थनयनिउणा । पज्जायागयचिज्जा समागया झत्ति निवभवणं ॥ ४ ॥ सीहासणे सव्वारेण उववेसिया नरिंदेणं । फलफुलदाणपुण्वं सुमिणत्थं पुच्छिया ताहे ॥ ५ ॥ तेहि यनिमित्तसत्थाई बित्थरेणं सबुद्धिविहवेणं । परिचिंतिऊण तह निच्छयं च काऊण अण्गोऽण्णं ॥ ६ ॥ भणिओ पयावइनियो जरिसाणं विसिसुमिणाणं । अणुभावेणं नृणं पयडो नीसेसभुवर्णमि ॥ ७ ॥ तिक्खंडभरह सामी अप्पडिहयसासणो य तुह पुत्तो । होही अप्पडिमवलो इह पढमो वासुदेवोत्ति ॥ ८ ॥ आयन्निकण एवं पट्ठिचित्तेण ते नरिंदेण । दाऊण घणं विविहं विसज्जिया नियनियगिसु ॥ ९ ॥
Acharya Shri Kailassagarsuri Gyanmandir
For Private and Personal Use Only
