________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ACCUSAGARCACARA
एवं वुत्तोपि न जाव कंपिओ सो तया महासत्तो । ताव परुदो देवो गइंदरूवं विउचे ॥३॥ तयणंतरमुल्लालियपयंडसुंडो घणोब गजंतो। वेगेण धाविऊणं गेण्हइ तं सावयं झत्ति ॥४॥ सबत्तो गत्तं विवेई चलणेहिं पक्खिवइ गयणे । तत्तो निवडतं पुण पडियच्छइ दंतकोडीहिं ॥५॥ एवं बहुप्पयारं तं पीडिय कुणइ भुयगरूवं सो । पच्छा तिक्खाहिं दढं दाढाहिं तणुं विदारेइ ॥६॥ तहविहु अखुम्भमाणे गिहिप्पहाणमि कामदेवंमि । रक्खसरूवं काउं उबसग्गं काउमारद्धो ॥७॥ अह खणमेगं घोरट्टहासकरतालतालणं काउं । परिसंतो सो तियसो भत्तीए तयं इमं भणइ ॥८॥ भो कामदेव ! सावय तियसोऽहं तुज्झ सत्तनाणट्ठा । एत्थागओ महायस ! ता पसिय वरेसु वरमेत्तो ॥९॥ थेवोऽविहु उवयारो विहिओ तुम्हारिसे गुणनिहिमि । अस्संखसोक्खखंधस्स कारणं होइ निभंतं ॥ १०॥ एवं भणिओऽवि सुरेण सायरं वरमुणिव थेवपि । जाव न स कामदेयो कहमवि पचुत्तरं देह ॥ ११॥ ताव नमंसिय चरणे उक्वित्तिय गुणगणं च से तियसो । परमच्छरियमुवगओ जहागयं पडिनियत्तो य ॥ १२ ॥ इयरोऽवि धम्ममाराहिऊण तइए भवंमि निषाणं । सायत्ताणंदमुहं पाविस्सइ निहयकम्मंसो ॥ १३ ॥ इय जइ गिहिणोऽवि समुज्जमंति धम्ममि निचला धणियं। ता उज्झियगिहवासा तवस्सिणो किं पमायंति? ॥१४॥ एवं वीरेण जिणेसरेण जइणो पडुच वागरिए । सविसेससंजमुजयचित्तो जाओ समगसंघो ॥ १५ ॥
ANACAS
For Private and Personal Use Only
