________________
Shri Mahavir Jain Aradhana Kendra
श्रीगुणचंद महावीरच०
८ प्रस्तावः
॥ ३२२ ॥
www.kobatirth.org
लोगा ! आगच्छेह भगवंतं वंदिउँति भणिए तकालमिलियपुरजणसमेओ समागओ राया ममतियं । इओ य सो कामदेवो पासायतलासीणो एगाभिमुहं जणनिवहमवलोइय परियणमापुच्छेइ-किं नं देवाणुप्पिया ! एस पुरज णसमुदओ एगदिसाए नीहरइ ?, एयमट्ठमुवलभिय साहेह, तेहिं निच्छिऊण निवेइयं, जहा- तिहुयणेक्कनाहो जिणो समोसढो तछंदणवडियाए पुरलोगो वच्चर, तओ सो समुत्पन्नसद्धाइसओ पहाओ चंदणोवलित्तगत्तो चाउग्धं|टरहारूढो अप्पमहग्घाभरणभूसिओ सियकुसुमदामोव सोहिओ निग्गओ नयराओ, समोसरणासन्ने य ओइन्नो रहबराओ पमुक्ककुसुमदामो परिहरियतं बोलो कयमुहसुद्धी एगसाडीएणं उत्तरासंगेणं चक्खुफासे अंजलिपग्गहेणं मणसो एगत्तीभावेण य पविट्ठो समोसरणे, तिक्खुत्तो आग्राहिणपयाहिणं काऊण वंदिओ अहं, उबविट्ठो सट्टाणे, निसामिए धम्मे संजायधम्मपरिणामो संमत्तमूलाई पंचाणुवयाई तिन्नि गुणवयाई चत्तारि सिक्खावयाई भावसारं पडिवज्जिय गिहमुवगओ, पालेइ निरइयारं सावगधम्मं । अन्नया य कुटुंबचिंताए जेट्ठपुत्तं वित्ता पोसह| सालाए पडिमा परिकम्मकरणट्टा सामाइयं पडिवजिय ठिओ रयणीए काउसग्गेणं, एत्थंतरंमि तब्भावनिश्चलत्तं परिक्खिउं एगो तस्स समीवे ठाउं सुरो सरोस इमं भणइ
रे रे वणियाहम ! धम्मम्ममेवं समुज्झसु जवेणं । पाविट्ठ कोऽहिगारो तुह एरिससाधुचेट्ठासु १ ॥ १ ॥ मा परिसअकाले चिय कयंतमुहकुहरमुग्गदाढिलं | मम वयणं अवगन्निय पुत्तकलत्ताइपरियरिओ ॥ २ ॥
Acharya Shri Kailassagarsuri Gyanmandir
For Private and Personal Use Only
सामायिके कामदेवकथा.
॥ ३२२ ॥
