________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कक
श्रीगुणचंद महावीरच० ८प्रस्ताव ।।२९ ॥
एवंविहगाढकिलेससंविढत्ताए भोयणविहीए । दिगगमणियं कुणंतस्स मुद्ध ! का चंगिमा तुज्झ ? ॥१॥ किंवा सरीरसोक्खं संपजइ को य विसयवामोहो। किं वा सुचरियनिप्फायणं च संभवइ एवं च ? ॥ २॥ नो एयपरिचागो सुदुकरो दिवसोक्खकंखीणं । तुम्हारिसाण जायइ जेणऽजवि किर महासत्ता ॥३॥ पउरमणिकणगरयणुक्कराइं तरुणीओ सुंदरे गेहे । मोतूण पन्नगंपिव धना लग्गति धम्ममि ॥४॥ अन्ने पुण आकालियदुरंतदारिद्दविहुयावि दढं। पावारंभपयट्टा जम्म सयलंपि वोलिंति ॥५॥ ते अण्णत्थवि जम्मे तहेव पुणरुत्तदुक्खसंतत्ता । तल्लोविलिं पकुणंति थोवसलिलंमि मच्छोव ॥६॥
जइ पुण ते घरवावारलक्खभागे व धम्मकजंमि । अन्भुजमंति रुंधति नित्तुलं ता दुहदुवारं ॥७॥ किंच-एगत्तो संपज्जइ जहिच्छभोगोवभोगदुल्लकिन । धणमन्नत्तो सजणपसंसणिज्जा हि पवजा ॥८॥
एगत्तो छक्खंडाहिवस्स सेवा महानरिंदैस्स । कीरइ अन्नत्तो पुण मुणिणो सद्धम्मनिरयस्स ॥९॥ सुंदर! इमाओ दोन्नि उ गईउ लोयंमि सुप्पसिद्धाओ। एयाणं अन्नयरिं जे कुसला ते पवजंति ॥१०॥ ता वजसु कम्ममिमं धम्म चिय सरसु तं महासत्त!। दीणाण दुत्थियाण य एसो एको परं सरणं ॥ ११ ॥ इय गोयमेण भणिए सबइलं लंगलं च मोत्तूण । नमिउं चलणे सो भत्तिनिभरो भणिउमाढत्तो ॥ १२ ॥ भयवं! विन्नाणविवजियस्स जइ जोग्गयत्थि मे कावि । ता देहि निययदिक्खं भववासाओ विरत्तस्स ॥१३॥
AMROREOGRAAGAR
॥२९
॥
For Private and Personal Use Only
