________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
इय वुत्ते से परियट्टिणोवि सिरिगोयमेण पबजा। तक्षणमेव विदिन्ना वोहिम्बीयंतिकाऊण ॥ १४ ॥ | एवं तेण गहियदिक्खेण समं पयट्टो गोयमसामी भगवओ अभिमुहं, अह जयगुरुणो चक्खुगोयरसुवागयस्स तस्स करिसगस्स तेण सीहभवावजियगाढेवरवेसण पम्हुट्ठा पवजापडियत्ती जायपयंडकोवो य भणिउं पवत्तोभयवं! को एसो?, गोयमेण भणियं-अम्ह धम्मगुरू, तेण भणियं-जइ तुह एस धम्मगुरू ता मम तुमएविन कर्ज, अलं पवज्जाएत्ति भणिऊण परिचत्तरयहरणो धाविऊण गओ खेत्तंमि, गहिया बलीवद्दा, उन्भीकयं लंगलं, पलग्गो पुत्वपवाहेण खेडेउंति । गोयमसामीवि विम्हियमणो भयवंतं पणमिऊण भणिउं पवत्तो भुवणभुयभूयमहप्पभावपडिहणियपाणिगणपीड!। जयनाह ! मए असरिसमिममज पलोइयं चोजं ॥१॥ जं सोक्खकरेवि हु तुज्झ दंसणे दूरओऽवि सो हलिओ। सूरस्स कोसिओ इव सोढुं तेयं अचाईतो ॥२॥ सयमेव य पडिवन्नं पावजं उज्झिऊण संभंतो। अइसिग्घमवतो सखेत्तहुत्तं परोहमणो ॥३॥ किर तुम्ह संकहावि हु जणइ अपुवं जणाण परितोसं । किं पुण चीतरुपमुहहपाडिहेरुन्भवं रूवं? ॥४॥ अह जयगुरुणा भणियं गोयम! सो एस केसरिस्स जिओ। जो किर तिविदुकाले मए दुहा फालिओ होतो॥५॥ तुमए मह सारहिणा निजविओ कोवफुरुफुरंततणू । सीहे सीहेण हए इचाईमहुरवयणेण ॥६॥ तप्पच्चइएणं मइ दोसेणजवि स वेरमुबहइ । तेणं चिय तप्पडिबोहणट्ठया पेसिओ तंसि ॥७॥
AGACAX
For Private and Personal Use Only
