________________
Shri Mahavir Jain Aradhana Kendra
www.kobatrth.org
Acharya Shri Kailassagarsur Gyanmandir
श्रीगुणचंद महावीरच. ८प्रस्तावः
ACC09
गोशालोक्त वल्मीकमेदकाणिग्डप्टान्तः.
॥२७७॥
जइ कहवि मणोवंछियजलाइलाभो इममि मे जाओ। तहवि न खणिउं जुजइ विले विले होइ किं गोहा? ॥२४॥ जओ-अनओ जणियगुणोऽविहु पयावविहवं न देइ गरुयाणं । विहिवसविसंघडतोऽवि गुणकरो नयसमारंभो॥२५॥ अह तवयणं अवगणिऊण ते लोभतरलिया वणिया । वम्मियचउत्थमुहमवि जवेण खणिउं समाढत्ता ::२६॥ खणमाणेहिं तेहिं पयंडजमबाहुदंडसारित्थो । तस्संतो निवसंतो मुहेण परिघट्टिओ नागो ॥ २७ ॥ ताहे सो रोसारुणनयणपहापाडलीकयदियंतो। विरइयअकालसंझोव निग्गओ बम्मियाहिंतो ॥ २८॥ तहवि य फारफणफलगफुरियरयणुच्छलंतरुइपडलो । पुच्छच्छडताडियभूमिवट्ट गुंजंतवणसंडो ॥ २९ ॥ सिग्छ नीहरिऊणं वम्मियसिहरग्गभागमारुहइ । पेच्छइ य भाणुमंडलमह सवियासाहिं अच्छीहिं ॥३०॥ अह खणमेकं सूरं पलोइउ अणिमिसाए दिट्ठीए । ते वणिया आलोयइ सो उग्गविसो महासप्पो ॥ ३१ ॥ तयणंतरं च ते तस्स चक्खुणा तिचजलणजडिलेण । निद्दड्डा समगं चिय समग्गभंडोवगरणेहि ॥ ३२॥ नवरं सो एगो चिय थेरो नियभंडसगडियासहिओ । अणुकंपिगाए देवीए पाविओ वंछियं ठाणं ॥ ३३ ॥ तो भो आणंदमुर्णिद! ते जहा वाणिया अइविमूढा । अइलोभेणभिभूया सप्पाओ विणासमावन्ना ॥ ३४ ॥ तह तुज्झ धम्मसूरी समणो वरनायकुलसमुन्भूओ। लद्धपसिद्धी भुवणत्तएऽवि समणो महावीरो ॥ ३५॥ असुरसुरनागकिन्नरनरनरवइपूयणिजपयकमलो । एत्तियमेत्ताएबिहु सिरीए संतोसमलहतो ॥ ३६ ॥
।। २७७॥
For Private and Personal Use Only
